प्रदर्शनमा उत्रिएका नेविसंघ नेता र कार्यकर्तालाई रोक्ने प्रयास गर्दै प्रहरी । तस्बिरः दिनेशविक्रम शाह
काठमाडौँ: महाधिवेशन प्रतिनिधि विवादका कारण एक साता पछि धकेलिएको नेपाल विद्यार्थी सङ्घको ११औँ महाधिवेशनको निर्वाचन प्रक्रियामा पुनः अवरोध आएको छ ।
विवाद चुलिदै गएपछि सानेपास्थित पार्टी मुख्यालयमा प्रहरी र कार्यकर्ताबीच झडप भएको छ । शनिबार राति प्रतिनिधिको अन्तिम नामावली सार्वजनिक गरी निर्वाचन समितिले निर्वाचन प्रक्रिया अघि बढाए पनि फर्जी मतदाता थपेको आरोप लगाउँदै विद्यार्थी नेताले यथास्थितिमा निर्वाचन हुन नसक्ने भन्दै प्रदर्शन गरेपछि झडप भएको हो ।
अध्यक्षका सात उम्मेदवारले आइतबार पत्रकार सम्मेलन गरी निर्देशन समितिले मध्यरातमा एकतर्फी रुपमा ३०० नक्कली प्रतिनिधि थपेर मतदाता नामावली सार्वजनिक गरेको भन्दै विरोध जनाएका छन् ।
annapurnapost
