कैलासबावु श्रेष्ठ/गोरखा
श्रावण २५ गते । सामाजिक अभियन्ता महावीर पुनले आफू जनताको ढोकामा आइसकेको भन्दै राष्ट्रिय आविष्कार केन्द्र खोल्ने विषयलाई लिएर फेरि सरकारको ढोकामा कहिल्यै नजाने स्पष्ट पार्नुभएको छ ।
मंगलबार काठमाडौमा पत्रकार सम्मेलन गर्दे उहाले सरकारलाई चार वर्ष गुहार्दा पनि पार नलागेपछि आफू जनताको ढोकामा गएको बताउनुभयो । सरकारले राष्ट्रिय आविष्कार केन्द्रलाई दिने भनेको पाँच करोड रुपैयाँ आफ्नो नैतिकताका कारण नलिएको उल्लेख गर्दै उहाले असार २८ सम्म सरकारको बाटो हेरेर असार २९ गते नै जनताको सहयोगमा केन्द्रको काम अघि बढाउने निर्णय गरेको बताउनुभयो ।
उहाले अब जनताकै सहयोगमा आविष्कार केन्द्र खोलेर चलाउने बताउनुभयो । उहाले ५० करोड रूपैयाँ संकलन गरी १० मेगावाटको जलविद्युत स्थापना गर्ने योजना रहेको सुनाउनुभयो । अबको चार वर्षमा आयोजना सम्पन्न गर्दै आविष्कार केन्द्रको कामलाई अघि बढाउने उहाको भनाई छ ।
उहाले केन्द्रको नाफा केन्द्रकै हितमा मात्र खर्च गरिने बताउदै महादान अभियान अन्तर्गत संकलन हुने रकमको हिसाब किताब पनि पारदर्शी बनाइने उल्लेख गर्नुभयो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए