गोरखाको फिलिमबाट काठमाडौंतर्फ उडेको विमान फिस्टेल एयरको नाइन एन ए के ए कल साइनको हेलिकप्टर नुवाकोटमा दुर्घटनाग्रस्त भएको छ।
नुवाकोट जिल्लाको बेलकोट गाविस-८ बेतिनीमा हेलिकप्टर दुर्घटनाग्रस्त भएको नुवाकोटका प्रमुख जिल्ला अधिकारी विष्णुप्रसाद पोखरेलले सेतोपाटीलाई बताए।
गोरखाबाट ५ दिनको बिरामी शीशूसहित ६ जना सवार हेलिकप्टर सोमबार दिउँसो १२: २२ मा सम्पर्क बिहि भएको थियो।
अनुभवी पाइटल रञ्जन लिम्बुले उडाएको उक्त हेलिकप्टरमा १९ वर्षीय सुत्केर प्रिति गुरूङ र उनको ५ दिनको शिशुसँगै उनका ससुरा ६० वर्षीय कितमान गुरूङ, सासु ५६ वर्षीय अज्ञानी गुरूङ र काठमाडौंबाट हेलिकप्टर लिएर फिलिम पुगेकी लक्ष्मी गुरूङ पनि थिइन्।
लक्ष्मीको गुरुङको परिवारसँग नाता नखुलेको भए पनि उनी परिवारकै सदस्य हुनसक्ने स्थानीय प्रसाशनको अनुमान छ। उक्त हेलिकप्टरमा स्थानीय सामाजिक संस्थामा काम गर्ने इटहरी, सुनसरीकी २२ वर्षीय निशा तामाङ पनि रहेको प्रमुख जिल्ला अधिकारी नारायणप्रसाद भट्टले सेतोपाटीलाई बताए।
फिलिममा ११ बजेर २५ मिनेटमा पुगेको हेलिकप्टर ११ बजेर ३० मिनेटमा त्यहाँबाट उडेको थियो।
setopati
