कैलासबावु श्रेष्ठ/गोरखा
जेष्ठ १५ गते । वैदेशीक रोजगारीको लागि नेपालबाट हरेक दिन युवा युवतिहरु बाहिरी रहेका छन । विकसित ठुला देशहरु पछाडी खाडी मुलुकहरुमा जाने नेपालीहरुको संख्या पनि बढ्दो छ ।
पछिल्लो समय खाडीमुलुक जानेहरुको रोजाई हो युएई । सुरक्षाको हिसाबले राम्रो मानिने युएईमा काम गर्ने नेपाली युवा मात्र नभई युवतिहरुको संख्या पनि धेरै छन । पछिल्लो समयमा नेपाली चेलिहरुले व्यापार व्यवसाय गरेर युएईमा सफलता हात पारीरहेका छन । युएईमा घरेरुकाम मात्र हैन आत्मविश्वास र काम गर्ने ईच्छा हुने हो भने महिलाले पनि पुरुषले झै काम गर्न सक्ने छन ।

यसैको एक उदाहरण हुन झापाकी करुणा राई अधिकारी । युएईको व्यस्त सडकमा दैनिक ट्याक्सी गुडाईरहने करुणा युएईका लागि पहिलो नेपाली महिला ट्याक्सी चालक हुन । झापा काकरभित्ता मेचिनगर नगरपालिका १० कि करुणा श्रिमान युएईमा कार्यरत भएकाले २ बर्ष अघि भिजिट भिषामा युएई आएका थिईन ।

हुनत उनले युएई आईसके पर्छ अन्यकम काम नपाएकी पनि हैनन तर एक जना फिलिपिन केटीले ट्याक्सी चलाएको देखे पछि म पनि ट्याक्सी चलाउन सक्छु भनि यो क्षेत्रमा लागेको बताउछिन करुणा राई । उनले नेपालमा कहिल्यै चलाउन त के सोचेकी पनि थिइनन् करुणा लागि यो सजिलो काम नभएको हुदा श्रीमानले यो काम गर्न सक्दिनौ भने पनि ट्याक्सी चलाउन नपाए अरु कामनै नगर्ने अडान थियो करुणाको ।

घरमा एक छोरीलाई बाबाआमा को जिम्मामा छोडी श्रिमान संग बस्दै आएकी करुणाको १० महिना को छोरा साथमै छ । युएईमा कार्यरत अन्य महिलाको तुलनामा धेरै फरक काम गरेकी करुणालाई श्रिमानको साथ सहयोग पुर्ण रुपमा छ । उनि भन्छिन श्रीमानले युएईको कानुन र नियमलाई पालना गरेर ट्याक्सी चलाउने सल्लाह र सुझाब दिनु हुन्छ ।
सुरुमा कुनै पनि कम्पनिले नेपाली महिला ट्याक्सी चालक अहिले सम्म नभएकोले विश्वास गरेनन तर पछि अरविया ट्याक्सी कम्पनिले विश्वासको आधारमा काम दिएको थियो । त्यसैले सोही कम्पनिलाई विश्वास दिलाउन कै लागि भए पनि अझै २ र ३ बर्ष ट्याक्सी चलाउने योजना छ उनको । नेपालको जस्तो बाटो नभएको हुदा आफ्नो रुटबाट गाड़ी चलाउदा कुनै गाह्रो हुदैन तर कहिले काही यो केटी हो भनेर अचानक गाड़ी अगाडी ल्याउनेहरुले गर्दा अल्लि समस्या हुने उनको बुझाई छ ।

नेपाल बाट विदेश जाने युवतिहरुलाई घरमा काम गर्ने हाउसमेडको रुपमा मात्र हेर्ने दृष्टिकोणलाई परिवर्तन ल्याउन अन्यकामहरु गर्नमा अगाडी बढेमा काम गर्न सकिने बताउदै करुणाले पढ्दै नपढेका दिदीबहिनीहरुले पनि आट र साहास गरेर काम गर्न आग्रह गरेकी छन । यसरी कुनै पनि काम गर्दा युएईको नियमलाई बुझेर साहासका साथ अगाडी बढ्ने हो भने युएईमा कार्यरत दिदीबहिनीहरुलाई आम जनताले हेर्ने दृष्टिकोण मा फरक आउने थियो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए