आज २५ सय ६० औ बुद्धजयन्ती । शान्तिका अग्रदूत गौतम बुद्धको सम्झना गरि मनाईदै छ ।
शान्तिका अग्रदूत गौतम बुद्धको सम्झनामा सनिबार नेपालका साथै विश्वका विभिन्न मुलुकमा बुद्ध जयन्ती मनाइएको छ । बुद्ध धर्मावलम्वीहरुले भगवान बुद्धको पूजाआराधना गरी बुद्ध जयन्ती मनाएका हुन् । २५ सय ६० औं बुद्ध जयन्तीका अवसरमा बुद्धको जन्मस्थल लुम्बिनी तथा काठमाडौको स्वयम्भुनाथ, वौद्ध गुम्बा लगायत स्थानमा श्रद्धालुको भीड लागेको छ । श्रद्धालुले गौतम बुद्धको सम्झनामा बुद्धका शान्ति सन्देशहरुको स्मरण तथा पाठ गरेका छन्। अहिंसा परमो धर्म गौतम बुद्धको महामन्त्र हो ।
२५ सय ६० वर्षअघि बैशाख पूर्णिमाका दिन लुम्बिनीमा भगवान गौतम बुद्धको जन्म भएको थियो। गौतम बुद्धले बैशाख पूर्णिमाकै दिन बोधिज्ञान प्राप्त गरेका थिए । उनले बैशाख पूर्णिमाकै दिन महापरिनिर्वाण प्राप्त गरेका थिए । राजदरबारको सुख सयल र भोगविलासलाई बिर्सेर दरवार त्यागेका गौतम बुद्धले कठोर साधनापछि भारतको बोधगयामा बुद्धत्व प्राप्त गरेका थिए । बुद्धलाई एशियाका तारा पनि भन्ने गरिन्छ । बुद्ध धर्मको शान्तिको मार्गले विश्वभरका मानिसको ध्यान आकर्षित गरेको छ । बौद्ध दर्शनको मूल मर्म संसारमा दुःख छ, दुःखको कारण छ र आर्य अष्टाङ्गी मार्गमार्फत् दुःखको निवारण हुन्छ भन्ने हो ।
बुद्धको जन्मका बारेमा पछिल्लो समय फैलाईएको भ्रम चिर्दै यस पटक जन्मस्थल नेपाल नै हो भन्ने सन्देश दिन राजधानीमा यसै अवसर पारेर अन्तराष्ट्रिय सम्मेलन पनि गरिएको थियो । सनिबार बुद्ध जन्मस्थल लुम्बिनीमा एक वृहत समारोह गरिदै छ । सो समारोहमा राष्ट्रपति विद्यादेवी भण्डारी समेत सरिक भएकी थिइन्। यसै सन्दर्भमा काठमाडौंका कीर्तिपुर, वौद्ध र स्वयम्भुमा देखिएको बुद्ध जयन्तीका तस्बिरहरू हेर्नुहोस्
हेर्नुहोस् फोटोफिचरमा
सेताेपाटी
