कैलासबावु श्रेष्ठ/गोरखा
बैशाख १५ गते । काठमाडौँ विश्वविद्यालयको सेन्टर फर आर्ट एण्ड डिजाइन तथा फोटो सर्कलको सहकार्यमा अमेरिकी दूतावासको बुक बसले गोरखामा बिभिन्न कार्यक्रम सम्पन्न गरेको छ । 
गएको बैशाख ५ गते देखि बुक बसले गोरखा बजारमा विभिन्न कार्यक्रमहरु आयोजना गर्दै आएको छ ।
बुक बसले गोरखा संग्रहालय तथा स्थानीय सामुदायिक विकास समुह पदेली टोल सुधार संस्था सँग पनि सहकार्य गरेर कार्यक्रम गरेको थियो भने अन्य ७ वटा विद्यालय र कलेजहरु संग पनि सम्वन्य गरेर कार्यक्रम सम्पन्न गरी सकेको छ । 
कार्यक्रम अवधिमा बुक बसले स्थानीय विद्यार्थी तथा स्थानीय समुदायका लागि भाषा, कला, विज्ञान र प्रविधिबारे विविध कार्यशालाहरू तथा किताब पढ्ने कार्यक्रम आयोजना गरेको थियो । 
नेपाल पिक्चर लाइब्ररीको सहकार्यमा बुक बसका प्रशिक्षकहरुले इतिहास पुनःकथन काकार्यशालाहरू पनि संचालन गरेको थियो । 
नेपाली इतिहासका मूख्य घटनाहरूलाई सहभागीहरु, र उनका परिवार र समुदायको व्यक्तिगत इतिहास सँग जोड्ने यो कार्यशालाको मुख्य उद्देश्य हो । 
यसका साथै समुदायको दन्त्यकथा, किम्बदन्ती र पौराणिक कथाहरूको अभिलेख गर्न कथापुनःकथनको कार्यशाला पनि गरिएको थियो । 
गोरखाको सम्पन्न इतिहास र यहाँका समुदायका आकांक्षा तथा अभिलाषालाई सम्मान गर्ने उदेश्यका साथ कलाकारहरुले विद्यार्थी, सामुदायिक समूहहरु र स्थानीय व्यापारी सित मिलि गोरखामा भित्ते चित्रहरु समेत कोरेका थिए ।
कथापुनःकथनको कार्यशालामा संकलन भएको दन्त्य कथालाई आधार मानेर वैशाख १५ गते कठपुतली नाटक समेत प्रर्दशनी गरीएको थियो । 
काठमाडौँ स्थित अमेरिकी राजदुतावासको सहयोग सहित शैक्षिक तथा संस्कृतिक योजनाहरूको प्रबन्धन सेवा उपलब्ध गराउने सँस्था किहोतेज कोवद्वारा संचालित बुक बस अमेरिकन स्पेस कार्यक्रम अन्तर्गत पर्छ ।
