लाप्राकको पुनर्निर्माणहुने (फोटो फिचर)

आइतबार, बैशाख १२, २०७३ मा प्रकाशित

कैलासबावु श्रेष्ठ/गोरखा
बैशाख १२ गते । गत बर्षको भूकम्पबाट पूर्णरुपमा क्षतिग्रस्त गोर्खाको उत्तरी गाउँ लाप्राकलाई नयाँ स्थानमा सारेर एकीकृत नमुना वस्ती बनाउन गैरआवासीय नेपाली संघ र सरकारवीच समझदारी भएको छ । _DSC0134
आज लाप्राकमा आयोजित बिशेष कार्यक्रममा राष्ट्रपति बिद्यादेवी भण्डारीको उपस्थीतिमा राष्ट्रिय पुनःनिर्माण प्राधिकरण, सहरी विकास मन्त्रालय र गैरआवासीय नेपाली संघबीच समझदारी पत्रमा हस्ताक्षर भएको हो । _DSC0132 समझदारीअनुसार गैरआवासीय नेपाली संघले लाप्राकको साविक अस्थायी बस्तीमा एकीकृत वस्ती विकास गर्ने छ । _DSC0104
पुरानो वस्ती रहेको ठाउँ प्राबिधिक हिसावले वस्ती राख्न उचित नभएपछि सो वस्तीको केही माथि हाल अस्थायी टहरा रहेको गुम्सी पाखामा ३२६ रोपनी क्षेत्रफलमा नयाँ वस्ती विकास गरिने बताइएको छ । कार्यक्रममा राष्ट्रपति बिद्यादेवी भण्डारीले दुःख मानेर बसिरहने अबस्था नहरहेकाले मेहेनत र परिश्रम गरेर दुःखलाई सुखमा बदल्नुपर्ने बताइन । _DSC0101
उनले स्थानीयस्तरमा रहेका सम्भाब्यतालाई पहिचान गरी त्यसको विकास गर्नुपर्ने पनि बताइन् । _DSC0100 यसअघि राष्ट्रपति भण्डारीले बारपाकमा भूकम्प स्मृति उद्यान र स्तम्भको शिलान्यास गरेकी थिइन् । _DSC0096 बारपाकको वडा नं ४ र ५ को केही भाग समेटेर भूकम्प स्मृति उद्यान निर्माण गर्न लागिएको हो । _DSC0093 राष्ट्रपति भण्डारीले बारपाक–४ का गोपाल विकको घर शिलान्यास गर्दै अनुदान पाउने लाभग्राहीको नामावली पनि सार्वजानिक गरेकी थिइन् ।