बारपाक (गोरखा)–राष्ट्रपति विद्यादेवी भण्डारीले भूकम्पको केन्द्रबिन्दु गोरखाको बारपाकमा भूकम्प स्मृति पार्कको शिलान्यास गरेकी छन्। भूकम्प गएको एक बर्ष पुगेको दिन आईतबार राष्ट्रपति हेलिकप्टरबाट बारपाक पुगेकी हुन्।
बारपाक–४ का गोपाल बिकको नयाँ घर निर्माणको शिलान्यास पनि राष्ट्रपतिले गरिन्।
बारपाकमा पार्क र पीडितको घर शिलान्यास गरेपछि राष्ट्रपति लाप्राकतर्फ प्रस्थान गरेकी छन्। बारपाकमा राष्ट्रपति आएर औपचारिक सम्बोधन नगरेकोमा स्थानीयले आक्रोश पोखेका थिए। पीडितले राष्ट्रपतिबाट सम्बोधन हुनुपर्ने माग गर्दै केहीबेर कार्यक्रमकै बीचमा होहल्ला गरेर असन्तोष पोखेका थिए।
nagariknews