गोरखा, वैशाख ११ । नेपाल सरकार जनसंख्या तथा वातावरण मन्त्रालय, जलवायु परिवर्तन समानुकूलन नमुना कार्यक्रम अन्तर्गत विकास आयोजनाहरुमा जलवायु परिवर्तन जोखिम व्यवस्थापन मूलप्रवाहीकरणको आयोजना अन्तर्गत गोरखा जिल्ला स्तरीय जलवायु परिवर्तन र समुदायमा आधारित अनुकूलन योजना तर्जुमा तालिम सम्पन्न भएको छ ।
जिल्ला विकास समिति गोरखाको स्थानीय संयोजनमा भएको तालिमको समापनमा बोल्दै वातावरण मन्त्रालयका उपसचिव एवं जलवायु परिवर्तन समानुकुलन नमूना कार्यक्रममा राष्ट्रिय कार्यक्रम व्यवस्थापक राजुबाबु पुडासैनीले परिवर्तनका असरहरुसँग जुध्न स्थानीयको क्षमता विकास अहं सवाल भएको बताउनुभयो । उहाँले अनुकुलन प्रयासमा नमूनाको रुपमा गोरखाले प्रगति गरेको हेर्ने चाहना रहेको बताउनुभयो ।
गाउँ विकास समिति राष्ट्रिय महासंघका जिल्ला अध्यक्ष ऋषि खनालले जिल्लाको योजना निर्माणमा तालिमले महत्वपूर्ण आयाम थपेको बताउनुभयो ।
जिल्ला वन अधिकृत जीवनाथ पौडेलले गोरखामा अनुकुलनको विषय नौलो नभएपनि तालिमले स्थानीय तहसम्म सन्देश पु¥याउन सघाउने बताउनुभयो ।
प्रमुख महिला विकास अधिकृत सीता अधिकारीले जलवायु परिवर्तनको असर सबैभन्दा बढी महिलाहरुमा पर्ने भएकोले कार्यmक्रमहरु गर्दा जलवायु परिवर्तनको विषयलाई मूल प्रवाहीकरण गर्नुपर्ने बताउनुभयो ।
छ दिनसम्म चलेको तालिममा गोरखा जिल्लाका विभिन्न सरकारी तथा गैर सरकारी÷निजी क्षेत्रका २५ जनाको सहभागीता थियो । कार्यक्रमका सहभागीले जलवायु परिवर्तनका विभिन्न पक्ष, समुदायमा आधारित अनुकुलन योजना बारेमा जानकारी पाएका छन् । कार्यक्रमको पाँचौ दिन बिहीबार सहभागीहरुले स्थानीय अनुकुलन योजना बनाउने क्रममा गोरखा नगरपालिकाको डन्डीडाँडा र फस्लाङमा स्थलगत अभ्यास गरेका थिए ।
जनसंख्या तथा वातावरण मन्त्रालयको आयोजनामा भएको कार्यक्रमको सहजीकरण रुपान्तरण नेपालको नेतृत्वमा नेपाल वातावरण पत्रकार समूह, गाविस राष्ट्रिय महासंघ र सामुहिक अभियानले गरेका थिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए