यातायातको नौटंकी

कैलासबावु श्रेष्ठ/गोरखा
बैशाख ८ गते । न्याय नपाए गोरखा जानु भन्ने पुरानो उत्ती केही दशक देखी गोरखाको लागि फलीफाप हुन छाडेको छ ।
परापूर्व कालमा साच्चै न्याय दिने परम्पराको अन्त्य भएको पनि धेरै भै सक्यो । त्यसैले होला गएको १ दशक देखी गोरखामा न्याय पाउन निकै मुस्किल परेको छ । अन्याय गरेर जित हात पार्ने बानी परेकाहरुको प्रशासनले समेत संरक्षण गर्छ भने राजनैतिक दलले त आफ्ना चल्लालाई माउले छोपे झै गरी छोपेर अन्याय गर्नेलाई बिजयी गर्ने सामान्य चलन नै भै सकेको छ । DSC_0146[1]
त्यसैको पछिल्लो उदाहरण हो यातायातको नौटंकी । यो नौटंकी आज मात्र भएको भने होइन । बिगत केही बर्ष देखी आफुलाई अगुवा ठान्ने र अरुलाई हेपाह प्रबृत्तीले अरुलाई सामान्य ठान्ने अनि जिल्ला भित्रको सबै सढक र यातायातको जिम्मा लिनेहरु बिच भएको झडप आज पनि गोरखा र अन्य सर्व साधारणहरुले प्रत्येक्ष नै देख्न पाए । DSC_0125[1]
बिगतमा गोरखा यातायात र पृथ्वीराज मार्ग बस ब्यवसायी समितिको झडप हुदै आएको भएता पनि हिजो आज त्यो सामान्य देखी आरुघाट यातायात र गोरखा यातायात बिचको झै झगडा भने सतहमा नै देखीन थालेको छ । आज सम्म दर्जन पटक झडप भएको यो यातायातको गुथ्थी कुरो भने तिनै संञ्चालक बाहेक सवारी चलाउने चालक र सह चालक तथा सवारी धनीलाई थाहा नभएता पनि सडकमा सबै भन्दा पहिला उनीहरु नै उत्रने र कुटाई खाने गर्दछन । DSC_0126[1]
लगानीका नाममा एउटा सुर्को बेचेर बैंकले धानीएको यातायातको यो नौटंकी अरु कति वर्ष रहने हो र सर्व साधारणले कती सास्ती ब्यहोनुपर्ने हो त्यो भने तिनै राजनैतिक दलका अगुवाहरु तथा सरकार जानोस ।
साढेको जुधाईमा बाछाको मिचाई भने झै घरबाट साईत गरेर गन्तब्य सम्म जान हिडेका सर्व साधारणले के आशिस देलान यिनीहरुलाई ?
आउनुहोस, गोरखा बजारमा आज भएको अर्को नौटंकीको फोटोहरु हेरौं…….