गोरखा, वैशाख ५ । नेपाल सरकार जनसंख्या तथा वातावरण मन्त्रालय, जलवायु परिवर्तन समानुकूलन नमुना कार्यक्रम अन्तर्गत विकास आयोजनाहरुमा जलवायु परिवर्तन जोखिम व्यवस्थापन मूलप्रवाहीकरणको आयोजना अन्तर्गत आजबाट गोरखामा जिल्ला स्तरीय जलवायु परिवर्तन र समुदायमा आधारित अनुकूलन योजना तर्जुमा तालिम सुरु भएको छ ।
जिल्ला विकास समिति गोरखाको स्थानीय संयोजनमा सुरु भएको तालिम ६ दिनसम्मे चल्ने बताइएको छ । तालिममा गोरखाका विभिन्न सरकारी कार्यालयका कर्मचारीका साथै गैर सरकारी संस्था, निजी क्षेत्रका प्रतिनिधि तथा सञ्चारकर्मीहरुको समेत सहभागिता रहेको छ ।
विकास आयोजनाहरुमा जलवायुजन्य जोखिमलाई मूलप्रवाहीकरण गर्ने उद्देश्यले आयोजना गरिएको तालिमले योजना निर्माणमा सरिक हुने व्यक्तिहरुको क्षमता विकास गर्ने अपेक्षा लिइएको छ ।
एशियाली विकास बैंक (एडीबी) को संयोजन र जलवायु लगानी कोषको आर्थिक सहयोगमा सञ्चालित कार्यक्रमको सहजीकरण रुपान्तरण नेपालको नेतृत्वमा सामुहिक अभियान, गाविस राष्ट्रिय महासंघ नेपाल र नेपाल वातावरण पत्रकार समूहले गरिरहेका छन् । यी संस्थाहरुले देशका तीस जिल्लामा यस्तै तालिमको सहजीकरण गर्ने कार्यक्रम रहेको छ । यस क्रममा अहिलेसम्म २२ जिल्लामा यस्ता तालिम सम्पन्न भइसकेको बताइएको छ ।
कार्यक्रमको सुभारम्भ गर्दै जिविस गोरखाका योजना अनुगमन तथा प्रशासकीय अधिकृत शतिस कुमार भट्टराइले तालिमले स्थानीय अनुकुलन योजना बनाउन र त्यसलाई विकासका योजनामा समावेश गराउन सहयोग पुर्याउने बताउनुभयो ।
जिल्ला वन अधिकृत जीवनाथ पौडेलले भूकम्पपछि गोरखामा काठको माग बढ्दै गएको र वन क्षेत्रमाथि दवाव परेको बताउनुभयो । उहाँले यसअघि जिल्लाका विभिन्न भागमा बनेका स्थानीय अनुकुलन योजनाहरुको पुनरावलोकन गर्न पनि आग्रह गर्नुभयो ।
कार्यक्रमको सहजीकरण लक्ष्मण पाण्डे, सुनिता कर्माचार्य र सञ्चारकर्मी निमेष रेग्मीले गर्नुहुने आयोजकहरुले जानकारी गराएका छन् ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए