कैलासबावु श्रेष्ठ/गोरखा
चैत्र १८ गते । १ वर्ष अगाडी बिद्यालय ब्यवस्थापन समितिको चुनावमा गोली चलाएको आरोपमा पक्राउ गरी धनुषा जिल्ला अदालतमा पेश गरीएका नेकपा एमालेका वैकल्पिक पोलिटव्युरो सदस्य योगनारायण यादवलाई कडा कारवाही हुनुपर्ने माग गर्दै आज घण्टौ अदालत क्षेत्र तनावग्रस्त रहेको थियो ।
सयौको संख्यामा अदालत बाहिर जम्मा भएका स्थानीयबासीहरु एमाले नेता यादवलाई कडा कारबाही गर्नुपर्ने माग गरेका थिए । माओवादी नेता मातृका प्रसाद यादवको नेतृतवमा जम्मा भएका स्थानीयबासीहरुले अदालत बाहिर एमाले नेता यादवरिरुद्ध नाराबाजी समेत गरेका थिए । धनुषाको सवैलास्थित मदन आश्रित निम्नमाध्यमिक विद्यालयको व्यवस्थापन समितिको चुनावमा गोली चलाएको आरोपमा यादवलाई हिजो काठमाण्डौमा पक्राउ गरिएको थियो ।
फरार यादवलाई हिजो मात्र राजधानीमा पक्राउ गरी धनुषा लगिएको थियो । २०७१ साल चैत ८ गते विद्यालय व्यवस्थापन समितिको चुनावलाई लिएर भएको विवादमा २ जनाको मृत्यु भएको थियो । सो घटनाको योजनाकार यादव रहेको प्रहरीको अनुसन्धानले देखाएको छ ।
विद्यालय व्यवस्थापन समितिको विवादको क्रममा मृत्यु हुनेमा प्रगास यादव र रामशेवक गडेरी रहेका थिए । एमाले नेता यादवमाथि जिल्ला अदालत धनुषाले केही महिना अघिनै वारेन्ट जारी गरेको थियो ।
यादवको कारबाहीको माग गर्दै धनुषाको सवैला नगरपालिका स्थानीयबासीहरुले बन्द गराएका थिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए