फोटो :फाइल फोटो
पोखरा: बाल यौन दुराचारी एक जर्मन नागरिकलाई पोखराको लेकसाइडस्थित एक होटलबाट प्रहरीले आज पक्राउ गरेको छ ।
केही महिनादेखि सो होटलमा बस्दै आएका जर्मन नागरिक कर्निलियस स्किलिङ भोन कन्सट्याटले प्रलोभनमा पारी बालकलाई यौन दुराचार गरिरहेको सूचनाको आधारमा होटलबाट पीडित बालकको उद्धार गरी अभियुक्तलाई पक्राउ गरिएको जिल्ला प्रहरी कार्यालयले जनाएको छ ।
अभियुक्तले नेपालमा आई विभिन्न ठाउँमा बालकलाई प्रलोभनमा पारी अनैतिक क्रियाकलापमा संलग्न गराउँदै आएको प्रहरीको भनाइ छ ।
बाल यौन दुराचार गरेको अभियोगमा मुद्दा दर्ता गरी जिल्ला अदालतबाट म्याद थप गरेर प्रहरीले यसबारे थप अनुसन्धान गरिरहेको छ ।
रासस