कैलासबावु श्रेष्ठ/गोरखा
चैत्र १७ गते । भोली बिहान देखी देशभर प्रबेशिका परिक्षाको तयारी भै रहदा गोरखामा पनि प्रबेशिका परिक्षाको तयारी पुर्णरुपमा पूरा भएको जिल्ला शिक्षा कार्यालय गोरखाले जानकारी दिएको छ । 
यस वर्षको प्रबेशिका परिक्षामा जिल्ला भरमा ५ हजार ८ सय ५ जना बिद्यार्थीहरुको सहभागीता रहने भएको छ । जस अन्रतर्गत गत वर्ष परिक्षा दिएर पनि असफल भएका ८ सय ११ जना, ३२ जना प्राबिधिक तर्फ र नियमीत तर्फका ४ हजार ९ सय ६२ जनाले सहभागीता जनाउने अनुमान जिल्ला शिक्षा कार्यालय गोरखाले गरेको छ ।
परिक्षालाई मर्यादित बनाउनका लागि सुरक्षा ब्यवस्थामा परिबर्तनका साथै अनुशासित शिक्षक र बिद्यार्थी तथा अभिभावकलाई अनुरोध गर्ने काम भै सकेको छ । यसै बिच परिक्षा केन्द्रमा केन्द्राध्यक्षहरुलाई कार्यालयले खटाई सकेको र उनीहरु सम्वन्धीत स्थानमा पुगी सकेको जानकारी समेत कार्यालयले दिएको छ ।
परिक्षार्थीलाई सकस
गएको बैशाखमा बिनाशकारी भूकम्पले जिल्लाको धेरै जसो बिद्यालयलाई पूर्ण रुपमा क्षति पुरयाएको कारण यस पटक बिद्यार्थीहरुले चाहे जस्तो गरी सुविधा सम्पन्न कोठामा बसेर परिक्षा दिन सक्ने छैनन ।
परिक्षा केन्द्र परेको सबै स्कुल पूर्ण रुपमा ध्वस्त भएका कारण यस पटक परिक्षा दिने सबै विद्यार्थीहरुलाई अस्थाई टहरमा बसी परिक्षा दिनुपर्ने बाध्यता पर्ने छ ।
दोस्रो पटक महिला मात्र भएको केन्द्र
गोरखा जिल्लामा प्रबेशिका परिक्षा सञ्चालन भएको ईतिहासमा यस बर्ष दोस्रो पटक महिला मात्र भएको परिक्षा केन्द्र सञ्चालनमा आउने भएको छ । गएको केही वर्ष पहिले भएको परिक्षामा गोरखा सदरमुकामको लक्ष्मी बजारमा रहेको महालक्ष्मी उमाबिमा केन्द्राध्यक्ष देखी सुरक्षा कर्मी समेत महिला राखेर परिक्षा सञ्चालन गरीएको थियो । 
महिला मात्र राखेर भएको परिक्षा केन्द्रमा जिल्लाकै उत्कृष्ठ परिक्षा केन्द्र घोषित भएको भएता पनि पछिल्लो बर्षहरुमा त्यसलाई निरञ्तरता दिन कुनै पनि निकायले चासो नदेखाएको भएता पनि यस पटक जिल्ला शिक्षा अधिकारीले गोरखा सदरमुकाममा रहेको मोडर्न इग्लीस बोर्डिङ्ग स्कुललाई महिला मात्र भएको परिक्षा केन्द्र बनाएका छन ।
शिक्षा अधिकारी दिपेन्द्र सुबेदीले दिएको जानकारी अनुसार परिक्षामा केन्द्राध्यक्ष, सहायक केन्द्राध्यक्ष, निरिक्षक तथा सहायक कर्मचारी समेत महिला नै हुने छन । उक्त परिक्षा केन्द्रमा सुरक्षा दिने नेपाल प्रहरीका सबै महिला हुने शिक्षा अधिकारी सुवेदीले बताए ।
त्यस्तै गरी यस बर्ष पनि बहिरा बिद्यार्थीहरु पनि परिक्षामा सामेल हुने भएका छन । यस वर्ष मनकामना बहिरा बिद्यालय टक्सार बाट ५ जना बिद्यार्थीहरु प्रबेशिका परिक्षामा सहभागी हुने भएका हुन । 
परिक्षाको लागि २६ केन्द्र
यस बर्षको प्रबेशिका परिक्षाका लागि जिल्ला भरमा २६ बिद्यालयलाई केन्द्र तोकिएको छ । परिक्षालाई मर्यादित बनाउनकै लागि २८ सहायक केन्द्राध्यक्ष, २ सय ४८ निरिक्षकका साथै १ सय ३२ सहायक कर्मचारीलाई जिल्ला शिक्षा कार्यालय गोरखाले परिक्षामा परिचालन गरेको छ । सुरक्षा ब्यवस्था चुस्त बनाउनकै लागि २६ केन्द्रमा २ सय ६० नेपाल प्रहरी परिचालीत हुने छ ।
कहाँ कहाँ परिक्षा केन्द्र परयो र को परे केन्द्राध्यक्ष ?
१) गण्डकी मावि थुमी -चेतबहादुर बराम
२) बिन्ध्याबासीनी उमाबि नारेश्वर -दुर्गा अधिकारी
३) रत्नराज्य उमाबि बिरेनचोक -राममायाँ गुरुङ्ग
४) मोडर्न इग्लीस बोर्डिङ्ग स्कुल गोरखा बजार -तारा सुबेदी
५) भिमोदय उमावि आरुघाट -मनप्रसाद बञ्जारा
६) सुर्यज्योति उमावि ताकुकोट -हरिराम दवाडी
७) दुल्लभ उमावि ध्याम्पेशाल- शिबप्रसाद भट्ट
८) अमरज्योति जनता उमावि लुइटेल -गोबिन्दप्रसाद खनाल
९) परोपकार आर्दश उमावि जौबारी -हरिप्रसाद ढकाल
१०) महेन्द्र लिला उमाबि हर्मी -कृण्णबहादुर न्यौपाने
११) संस्कृत उमावि तान्द्राङ्ग -श्यामप्रसाद लामिछाने
१२) हिमालय उमाबि बारपाक -बिण्णुदेब शाह
१३) भगवती हिमालय उमाबि घैरुङ्ग -बुद्वि बि.क.
१४) ताङ्गलीचोक माबि ताङ्गलीचोक -पूर्ण बहादुर बि.क.
१५) सहिद स्मृती उमाबि बुंकोट -बावुराम ढकाल
१६) सरस्वती उमाबि बोर्लाङ्ग -रामचन्द्र पौडेल
१७) मनकामना उमावि मनकामना -अरबिन्द कुमार मिश्र
१८) महेन्द्र उमाबि कुन्दुरटार -गोपालबावु मरहट्टा
१९) सरस्वती उमाबि आहाले -पुरुषोत्तमबावु भट्टराई
२०) शक्ति उमाबि पाटेचौर -निरजबावु भट्टराई
२१) महालक्ष्मी उमाबि लक्ष्मी बजार -चुढामणी काप्री
२२) ज्ञानमार्ग उमावि घ्यालचोक -टंक नेपाल
२३) महेन्द्र ज्योति उमाबि दरर्बारमार्ग -लक्ष्मणबावु आचार्य
२४) नब ज्योति माबि डण्ढीडाडाँ -शिबराम कट्टेल
२५) हिमाल उमाबि सिम्जुङ्ग -भाईकृण्ण सुनार
२६) भवानी उमावि ठाँटीपोखरी -ओजराज गिरी
श्रोत :- जिल्ला शिक्षा कार्यालय गोरखा
