२) यो विद्यालयको भवन पहिले पनि जीर्ण भएर फ्रान्सेलीहरुले सहयोग गरेर बनाइदिएका थिए। १० कोठाको दुई तले भवनमा प्रत्येक तलामा ५ कोठा थियो। भूकम्पपछि भवन पूरै भत्किएको थियो। बनाइएको अस्थायी सिकाइ केन्द्र पनि केही समयअघिको हावाहुरी उडाएको थियो। अहिले विद्यार्थीहरु वार्षिक परीक्षा खुला आकाशमुनि दिइरहेका छन्।

३) यो ठाउँ मनास्लु पदयात्रा मार्गको छेउमै पर्छ। पदयात्राको स्टेसन अर्थात् पर्यटक थकाइ मार्ने ठाउँ भएकोले होटल लजहरु प्रशस्त छन्। लापु गेस्ट हाउस र लक्ष्मी गेस्ट हाउस यहाँका अलि ठूला खालका होटल हुन्। ह्यारी लापु गेस्ट हाउसमा बसेका छन्।

^{ह्यारी बसेको लापु गेस्ट हाउस।}
४) यो ठाउँ वैशाख १२ को भूकम्पको केन्द्रविन्दु बारपाकदेखि करिब एक दिन पैदलयात्रामा पर्छ। बारपाक र लापुवेसी जोड्ने बाटो छैन। दुई गाविसका बासिन्दा गोरखा बजार आएर भेट्नु पर्छ। बूढीगण्डकी किनारमा पर्ने भए पनि बूढीगण्डकी जलविद्युत आयोजना प्रभावित गाउँ भने यो होइन।

५) यो ठाउँमा पुग्न गाडी जाने ठाउँबाट ४ घण्टा हिँड्नुपर्छ। गोरखा सदरमुकामबाट आरुघाट हुँदै थुमीको सोती बजारसम्म गाडी पुग्छ। त्यहाँदेखि अगाडि कच्ची सडकको ट्रयाक खुलेपनि गाडी गुड्न सक्दैन।

६) लापुबेसी ९६० मिटरको उचाइमा छ।

७) लापु गाविसमा सात वटा बस्ती छन् – भिरकुना, खानीबेसी, खानीगाउँ, लापु, लापुबेसी, लिदिङ र पोगटु। यो गोरखा जिल्लाको क्षेत्र नम्बर ३ मा पर्छ।

८) लापु गाविसमा पछिल्लो जनगणना अनुसार कूल ४५० वटा घर थिए। गाउँभरीको जनसंख्या १८२३ थियो जसमा ८०२ पुरुष हुन् भने १०२१ महिला।

९) यो गाउँमा गुरुङको बाहुल्य छ। १६९५ जना गुरुङ र ११० जना कामी र बाँकी अन्य जातिका बसोबास गर्छन् यो गाउँमा।

१०) गाउँका २१६ घरमा रेडियो र ५ घरमा टिभी छ। एउटा घरमा कम्प्युटर भएको तर इन्टरनेट सम्पर्क नभएको, ६ वटा घरमा ल्यान्डलाइन फोन भएको र १३७ घरमा मोबाइल फोन रहेको जनगणनाको तथ्याङ्क छ।