विपक्षीलाई जनताको जवाफ: तिमीले ५५ वर्षमा के गर्यौ ?
११ चैत, काठमाडौं । नेपालले चीनसँग गरेको रेल्वे लाइन विस्तार सम्बन्धी सम्झौताबारे भारतमा बहस सुरु भएको छ । त्यहाँको विपक्षी दल भारतीय राष्ट्रिय कांग्रेसले यसबारे प्रतिक्रिया जनाउँदै भनेको छ- ‘भारतले दक्षिण एशियामा आफ्नो प्रभाव गुमाउँदैछ ।’
चीनले नेपालसँग रेल ल्याउने सम्झौता गरेको खबरलाई उद्दत गर्दै भारतीय कांग्रेसले नेपाल मिसनमा चीन सफल भइरहेको बताएको छ ।
भारतीय कांग्रेसले आफ्नो आधिकारिक ट्वीट ह्याण्डलबाट भारतीय प्रधानमन्त्री नरेन्द्र मोदीलाई यसबारे प्रश्न गरेको छ ।
कांग्रेस आइले भनेको छ- ‘भारतले दक्षिण एसियामा आफ्नो प्रभाव गुमाउँदैछ । चीन पाकिस्तानपछि नेपालमा लिंक बनाउँदैछ । मोदीसँग केही योजना छ ?
भारतीय जनताको जवाफः ५५ वर्षमा तिमीले के गर्यौ ?
एशियामा भारतले आफ्नो प्रभाव गुमाउन थालेको भन्ने कांग्रेस आएको आरोपको जवाफ सामाजिक सञ्जालमा भारतीयहरुले राम्रैसँग दिएका छन् ।
मोलीलाई प्रश्न गरिएकोमा प्रतिवाद गर्दै ‘चिराग जैन मोडिफाइड’ले भनेका छन्- ‘५५ वर्षदेखि तिम्रो पार्टी सत्तामा थियो, तब केवल घोटाला गर्यौ र देशलाई भिखारी बनाइदियौ, चोर आए देशभक्ति देखाउने ।’
नेपाल मामिलालाई लिएर भारतमा बहस हुँदै आएकोमा प्रधानमन्त्री केपी ओलीको चीन भ्रमणपछि भारतले यसले फेरि सघन रुप लिने संकेत त्यहाँका मिडियाहरुमा आएका प्रतिक्रियाहरुबाट बुझ्न सकिन्छ ।
onlinekhabar