कैलासबावु श्रेष्ठ/गोरखा
चैत्र १० गते । होली महोत्सवको दोस्रो जनकपुरमा महामूर्ख सम्मेलन सम्पन्न भएको छ । जानकी मन्दिरको प्राङ्गणमा भएको सो महामूर्ख सम्मेलनमा जनकपुरका समाजसेवी पवन सिँघानियालाई महामूर्खको उपाधि प्रदान गरिएको थियो ।
सिँघानियाले जनकपुरको स्वर्गद्वार स्मशाणघाट निर्माणमा महत्वपूर्ण भूमिका खेलेका छन् । नयाँ शक्तिका केन्द्रीय नेता रामचन्द्र झाले सिँघानियालाई महामूर्खको प्रमाणपत्र दिएका थिए । मिथिला नाट्यकला परिषदको आयोजनामा हुने सो महामूर्ख सम्मेलनमा महामूर्खका उपाधी प्राप्त गर्नेलाई विशेष माला पनि लगाइएको थियो ।
समारोहमा जनकपुर उद्योग बाणिज्य संघका अध्यक्ष शिवशंकर साह हिरालाई पटमूर्खको उपाधि प्रदान गरियो । त्यसैगरी युवा नेता ज्ञानेन्द्र झालाई वैशाखानन्दन, प्रमोद चौधरीलाई शिलौटानन्द, विजय दत्त मणिलाई डपोरशंख, काशिकान्त झालाई हराशंख, तमलोपाका धनुषा अध्यक्ष प्रमेश्वर साहलाई व्रजकिट, सांसद दिनेश प्रसाद साहलाई भकलोल, रामानन्द युवा क्लवका पूर्व अध्यक्ष जिवनाथ चौधरीलाई वोतलानन्द र नेपाल पत्रकार महासंघ धनुषाका पूर्व अध्यक्ष उमेश साहलाई गजोधरको उपाधि प्रदान गरिएको थियो ।
गत वर्ष नेकपा एमालेका केन्द्रिय सदस्य एवं सांसद शत्रुधन महतोलाई महामूर्खको उपाधि प्रदान गरिएको थियो । २०७० सालमा तमलोपाका केन्द्रिय सम्पादन समिति सदस्य डा. विजयकुमार सिंहलाई, २०६९ सालमा नेपाली कांग्रेस धनुषाका सभापति राम सरोज यादवलाई, २०६८ सालमा ंनेपाल प्रज्ञा प्रतिष्ठानका पूर्व प्राज्ञ रामभरोस कापडिलाई, २०६७ सालमा राजनीतिक विशलेषक सि.के लाल, २०६६ सालमा राजनीतिकर्मी रामचन्द्र झा, २०६५ सालमा मैथिलीका वरिष्ठ साहित्यकार डा.राजेन्द्र विमल, २०६४ सालमा सद्भावना पार्टीका नेता ओमकुमार झा, २०६३ सालमा जनकपुर नगरपालिकाका तत्कालिन मेयर हरिबहादुर बिसी, २०६२ सालमा एमाले नेता शितल झा र २०६१ सालमा कवि नरेश ठाकुरलाई महामूर्खको सम्मान प्रदान गरिएको थियो ।
व्यांगात्मक सो कार्यक्रममा कविता वाचन, जोगिरा गानका अतिरिक्त एकअर्कालाई रंग अबीर दल्ने कार्यक्रम पनि हुने गदछ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए