दिवाकर भण्डारी
फोटो :मेडिकल स्टोरमा लागेको आगो निभाउने प्रयास गरिँदै । तस्बिर: दिवाकर भण्डारी
बाराः बाराको पथलैयास्थित स्वास्थ्य सेवा विभागको केन्द्रीय मेडिकल स्टोरमा आइतबार दिउँसो भीषण आगलागी भएको छ ।
बिहान नौ बजेबाट लागेको आगोले मेडिकल स्टोरमा रहेका लाखौंंका औषधि, झुल र सिरिन्जसहितका अन्य औषधिजन्य सामाग्री जलेर नष्ट भएका छन् ।
एकतले मेडिकल स्टोरमा आगलागी भएपछि अहिले चारवटा दमकलले आगो निभाउने प्रयास गरिरहेका छन् ।
वीरगञ्जका दुई, हेटौंडाको एउटा र कलैयाको एउटा दमकलले आगो नियन्त्रण गर्ने प्रयास गरिरहेका इलाका प्रहरी कार्यालय सिमराका प्रहरी निरीक्षक पुरुषोत्तम खड्काले बताए ।
आगो निभाउन जनपथ, सशस्त्र प्रहरी र स्थानीयबासी पनि खटिएका छन् । प्रहरी निरीक्षक खड्काका अनुसार मेडिकल स्टोरको कम्पाउन्ड नजिकै लागेको डढेलो फैलिँदै मेडिकल स्टोरमा छिरेर आगलागी भएको हो ।
annapurnapost