फोटो :फाइल फोटो
उपप्रधानमन्त्रीजी, लब्धप्रतिस्ठित अतिथी, महिला तथा सज्जनबृन्द । नमस्कार ।
यहाँ उपस्थित हुन पाउँदा म आफूलाई सम्मानित महशुश गरिरहेको छु । बेलायत सरकारका तर्फबाट बेलायत-नेपाल कुटनीतिक सम्बन्ध स्थापना भएको दुई सय बर्ष पुगेको अवसरमा नेपाल भ्रमण गर्छौ कि गर्दैनौ भनेर गतबर्ष मलाई सोधिएका बेला खुशीले म गद्गद् भएको थिएंँ ।
मेरो मुलुकका अन्य जनताजस्तै मैले पनि यो सुन्दर मुलुकका बारेमा किताब अध्ययन गरेर तथा टेलिभिजनमा हेरेर हुर्केको हुँ । तपाईंहरुको मुलुक नेपाल विश्वभरका मानिसको कल्पनामा सधैंभरी एक बिशेष स्थान लिएर बसेको हुनुपर्छ भन्ने मेरो विश्वास छ ।
मेरा मातापिता लगायत परिवारका अधिकांश सदस्यले नेपाल भ्रमण गरिसकेका छन् । उनीहरुले यहाँ आउँदा अन्यन्तै न्यानो स्वागत जनतबाट पाएका थिए । प्रख्यात पर्वतारोहीहरु तेन्जिङ् नोर्गे शेर्पा र सर एडमन्ड हिलारीले पहिलोपटक सगरमाथा आरोहण गरेको समाचारले त्यतिबेला नेपालको ध्यान विश्वभर तानिएको थियो । वास्तवमा त्यो दिन मेरी हजुरआमाले महारानीका रुपमा राज्यभिषेक गरेको बिहान थियो । म सम्झन्छु त्यस दिनका अखबारहरुका हेडलाइनहरु नेपालकै समाचारले भरिएका थिए ।
मेरा लागि यो भ्रमण निजी पनि हो । नेपालका सबैभन्दा बढी लोकप्रिय दूतहरुका रुपमा रहेका गोर्खा सैनिकहरुलाई सम्मान अर्पण गर्न नेपाल आउन पाउँदा म आफूलाई महान ठानिरहेको छु । विश्वले नै आदर गर्ने नेपालका बहादुर गोर्खाहरुको अचम्मको साहस र करुणा हेर्न आउन पाएकोमा खुशी छु ।
मैले अफगानिस्तान भ्रमणका क्रममा गोर्खाहरुसँगै नजिक रहेर केही समय काम गरें । अबका दिनमा म तिनै गोर्खाहरुलाई जन्माउने र हुर्काउने उनीहरुका समुदायसंँग भेट्न जाँदैछु । हजारौंको ज्यान लिएको विनाशकारी भूकम्प पछि नेपालले एक बर्ष पार गर्नै लाग्दा म यहां आइपुगेको छु ।
भूकम्पबाट नेपाल माथि उठ्न काम गर्दै गर्दा म यहां आएको छु । भूकम्पमा परी निधन भएकारुहरु प्रति म श्रद्दाञ्जली ब्यक्त गर्न चाहन्छु । भुकम्प पछिको जनताको धैर्यतालाई सम्मान गर्दै यहाँका जनताका लागि आशाको दियो बाल्न मेरा तर्फबाट गर्न सक्ने सहयोग म गर्नेछु ।
म विश्वभरका मानिसहरु जो नेपाललाई सहयोग गर्न चाहन्छन्, उनीहरुलाई यो भन्न चाहन्छु कि नेपाल ब्यापारका लागि खुला छ, सहज छ । कृपया नेपाल भ्रमण गर्नुहोस् भन्ने आग्रह गर्न चाहन्छु । नेपालको अति मनोरम दृष्यका साथै यहाँको सस्कृतिमा म रम्न चाहन्छु । यहाँ घुम्दा नयाँ साथीहरु बनाउन सक्नेमा म आशावादी छु । नेपाल सरकारले मलाई नेपाल निमन्त्रणा गर्दै हामी दुई देशबीचको दुई सयौं बर्षको अवसरमा कार्यक्रम आयोजना गरेकोमा म सरकारप्रति अनुग्रहीत छु । नेपालको सुन्दरता हेर्न म लालायित छु ।
धन्यवाद ।
(साताब्यापी औपचारिक नेपाल भ्रमणका क्रममा शनिबार काठमाडौ आएका बेलायती कान्छा राजकुमार ह्यारीले होटेल याक एन्ड यतिमा परराष्ट्रमन्त्री कमल थापाले आयोजना गरेको रात्रीभोजमा दिएको मन्तब्यको नेपाली भावानुवाद)
annapurnapost
