कैलासबावु श्रेष्ठ/गोरखा
चैत्र ६ गते । बेलायती राजकुमार हेनरी चाल्र्स अल्बर्ट डेभिड ह्यारी नेपालको ५ दिने भ्रमणका क्रममा नेपाल आएका छन् ।
अपरान्ह पौने ३ बजे कतार एयरवेजको विमानमार्फत त्रिभुवन अन्तर्राष्ट्रिय विमानस्थलमा अवतरण गरेका हुन् ।
नेपाल र बेलायतबीच कुटनीतिक सम्बन्ध स्थापनाको २ सय वर्ष पुगेको अवसरमा बेलायती महारानीका प्रतिनिधिका रुपमा राजकुमार ह्यारी पहिलो पटक नेपाल भ्रमणमा आएका हुन् । प्रधानमन्त्री केपी ओली र राजकुमार ह्यारीबीच आज नै शिष्टाचार भेटघाट हुने कार्यक्रम तय भएको छ ।
त्यस्तै राजकुमार ह्यारीले आइतबार राष्ट्रपति विद्यादेवी भण्डारीसँग राष्ट्रपति कार्यालय शीतल निवासमा भेटवार्ता गर्ने कार्यक्रम रहेको छ ।
उनी आइतबार नै भूकम्पले क्षति पु¥याएका ललितपुर र भक्तपुरका सम्पदाको अवलोकन गर्ने र विश्व सम्पदा सूचीमा सुचीकृत ऐतिहासिक पाटन दरबार स्क्वायर रहेको ऐतिहासिक तथा पुरातात्विक महत्वका स्थलको अवलोकन र भूकम्पबाट भएको क्षतिबारे जानकारी लिने कार्यक्रम रहेको छ ।
राजकुमार ह्यारीले नागबहालस्थित स्वर्णविहारको अवलोकन गर्नेछन् । त्यसैगरी उनले भक्तपुरका भूकम्पपीडितसँग भेटघाट गर्ने कार्यक्रम रहेको छ । राजकुमार ह्यारीले चैत ८ गते बर्दिया राष्ट्रिय निकुञ्ज क्षेत्रको अवलोकन, खौराह नदीमा ¥याफ्टीङ गर्ने, ९ गते पोखरा भ्रमणको कार्यक्रम रहेको छ ।
चैत १० गते काठमाडौंमा आयोजना हुने एक सम्मेलनको राष्ट्रपति भण्डारी र राजकुमार ह्यारीले संयुक्त रुपमा उद्घाटन गर्ने कार्यक्रम रहेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए