फाल्गुन ३०, २०७२- बैंकको लकरमा १४ वटा गोली भेटिएपछि पक्राउ परेका एमाओवादी सांसद् ल्हारक्याल लामालाई पाँच दिन थुनामा राख्न  जिल्ला प्रशासनले अनुमति दिएको छ ।

काठमाडौं  जिल्ला प्रशासनले अनुसन्धानका लागि पाँच दिन थुनामा राख्न आइतबार अनुमति दिएको हो । अकुत सम्पित आर्जनमा अनुसन्धान गरिरहेका लामाको दरबारमार्गस्थित इन्भेस्टमेन्ट बैंकको लकरमा १४ वटा गोली भेटिएपछि अख्तियारले प्रहरीलाई बुझाएको हो ।

अकुत सम्पित आर्जनमा अनुसन्धान गरिरहेका लामाको दरबारमार्गस्थित इन्भेस्टमेन्ट बैंकको लकरमा १४ वटा गोली भेटिएपछि अख्तियारले प्रहरीलाई बुझाएको हो ।

लामालाई महानगरिय प्रहरी परिसर टेकुमा बुझाइएको थियो । उनीमाथि हातहतियार तथा खरखजाना ऐन अन्तर्गत अनुसन्धान सुरु गरिएको परिसर प्रमुख एसएसपी विक्रमसिंह थापाले बताए । अहिले प्रहरी हिरासतमा राख्ने म्याद थपका लागि काठमाडौं जिल्ला प्रशासन लगिएको छ ।

लामाको अन्य बैंकमा पनि लकर रहेको र ती लकरको समेत अनुसन्धान भइरहेको थापाले बताए ।