कैलासबावु श्रेष्ठ/गोरखा
फागुन २० गते । एकिकृत नेकपा माओवादीका अध्यक्ष पुष्पकमल दाहाल प्रचण्डको दवाव पछि गोरखामा रहेको प्रमुख जिल्ला अधिकारी बलदेब गौतमको सरुवा भएको छ ।
माओवादीले नै सुर्खेतबाट जिल्ला भित्राएका गौतमलाई ४३ दिनमै काममा चित्त नबुझेको भन्दै सरुवा गरेका हो ।
एकिकृत नेकपा माओवादीका अध्यक्ष पुष्पकमल दाहाल प्रचण्ड गएको फागुन १५ गते गोरखा सदरमुकाम आउदाँ भेटन नआएको र खातीरदारी नपुगेको भन्दै कार्यकता प्रशिक्षणमा नै दाहालले राम्रो नहुने चेतावनी दिएका थिए । चेतावनी दिएको ४ दिन बित्न नपाउदै गौतमको सरुवालाई लिएर जिल्लामा चर्चा समेत चल्न थालेको छ ।
कार्यकता प्रशिक्षणका लागि गोरखा आउँदा आफूलाई लगायत केन्द्रिय नेतालाई बेवास्ता गरिएको भन्दै अध्यक्ष प्रचण्डले प्रशिक्षणका क्रममा असन्तुष्टि जनाएका थिए । कार्यकर्ता प्रशिक्षणलाई सम्बोधन गर्दै उहाँले गोरखाका प्रहरी प्रमुख र प्रमुख जिल्ला अधिकारीलाई लक्षित गरि गम्भिर नतीजा भोग्नुपर्ने समेत बताएका थिए ।
अध्यक्ष दाहाल गोरखा आएको दिन फागुन १५ गते यातायात ब्यवसायी समितिले सडकमा बस रोकेर अघिल्लो दिनको बिरोध समेत गरेका देखे पछि झनै आक्रोशित भएका थिए । १४ गते आरुघाट यातायात प्रालिले आरुघाटमा सञ्चालन गर्ने गरी ल्याएको बसलाई समितिको निर्देशनमा कालु गुरुङ्गको नेतृत्वले तोडफोड गरेका कारण पक्राउ गरेको भन्दै १५ गते सडकमा यातायात तेर्साएर समितीले बिरोध गरेका थिए ।
समितिमा नयाँ नेतृत्व आएको १ साता बित्न नपाउदै भएको यो घटनालाई लिएर पनि जिल्लामा चर्चाको बिषय बन्न थालेको छ । हालै निर्वाचीत अध्यक्ष एकिकृत नेकपा माओवादीको समर्थनमा उम्मेदवारी दिएर बिजयी भएको हो ।
सोही घटनालाई समेत जोडेर एकिकृत माओवादी अध्यक्ष दाहालले चर्को असन्तुष्टि जनाएका थिए । सोही दिन दाहालले गृहमन्त्रीलाई फोन गरेर जिल्लामा रहेको सुरक्षा प्रमुखहरुको गुनासो गरेका थिए ।
सरकारले तीनवटा निर्वाचन क्षेत्र भएका जिल्लामा सह सचीव स्तरका प्रमुख जिल्ला अधिकारी पठाउने निर्णय गरे लगत्तै गौतमलाई माओबादीले सिंह दरबारमा २ घण्टा प्रशिक्षण गरेर गोरखा पठाएका थिए ।
माघ ६ गते कार्यभार सम्हालेका गौतमलाई सप्तरीको प्रमुख जिल्ला अधिकारीमा सरुवा गरेको पत्र पठाइ सकेको छ । गोरखामा भने सप्तरीका प्रमुख जिल्ला अधिकारी नारायण भट्ट आउनु पक्का भएको छ ।
गृहले अचानक सरुवा गर्नुको कारण नखुलाएपनि प्रचण्डको निर्देशनमा सरुवा भएको गृह मन्त्रालय स्रोतले जनाएको छ । प्रमुख जिल्ला अधिकारी गौतमले भने सरुवा बारे आफ्नो कुनै प्रतिक्रिया नरहेको जनाउनुभएको छ । सरकारी कर्मचारीको सरुवा बढुवा हुनु स्वाभाविक भएको उहाँको धारणा रहेको छ । गोरखा भ्रमणका क्रममा प्रचण्डले प्रमुख जिल्ला अधिकारी सहित सरकारी कार्यालयका प्रमुखहरुसँग भेटघाट गरेका थिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए