सहदेब चौधरी
फोटो :फाइल फोटोकाठमाडौं: कम्प्युटर ह्याकिङमा नेपाल विश्वमै सबैभन्दा अगाडि रहेको एक तथ्याङकले देखाएको छ। विश्वको चर्चित सर्च इन्जिन गुगलले गरेको एक अध्ययनले नेपाल विश्वमै ‘कम्प्युटर ह्याकिङ’सँग सम्बन्धित शब्दको खोजीमा अग्रस्थानमा रहेको देखाएको हो।
गुगलले गरेको अध्ययन अनुसार नेपालमा How to hack, Hack wi-fi, Hacking,Computer Virus,Facebook Hacking लगायतका शब्दहरु विश्वका चर्चित देशहरु भन्दा बढी खोजी भएको ह्याकिङबारे अध्ययन गरिरहेको नेपाली संस्था रिगो टेक्नोलोजीले जनाएको छ।
रिगोका अनुसार नेपालमा इन्टरनेटको पहुँच बढेसँगै युवा पुस्तामा ‘ह्याकिङ’ शब्दलाई नजिकबाट पछ्याएको तथ्याङ्क पाइएको हो। खासगरी युवा पुस्ताले इन्टरनेटमा रहमाउन चाहने, नयाँ नयाँ खोजको गर्ने बहानामा ह्याकिङतिर आकर्षित भइरहेको अनुसन्धानबाट खुलेको छ।
तथ्याङक अनुसार कम्बोडिया, फिलिपिन्स, पाकिस्तान, श्रीलंका र म्यानमारभन्दा नेपालमा ‘ह्याकिङ’सँग सम्बन्धित ट्रेन्ड्स बढ्दो देखाएको छ। ह्याकिङ शब्दको खोजी नेपालमा शतप्रतिशत(१००) छ भने कम्बोडिया ६४ प्रतिशत, फिलिपिन्समा ५६ प्रतिशत, पाकिस्तानमा ५४ प्रतिशत, श्रीलंकामा ८४ प्रतिशत, म्यानमारमा ४२ प्रतिशत, ट्रिनिड्याड एण्ड टोब्यागोमा ४१ प्रतिशत, लेबनानमा ३८ प्रतिशत र मलेसियामा ३७ प्रतिशत र मोरिसमा ३६ प्रतिशत रहेको तथ्याङ्कले देखाएको छ।
यस्तै ह्याकरहरुले सबैभन्दा बढी टीभीको विषयवस्तुमा केन्द्रित रहेर ह्याक गर्ने गरेको, त्यसपछि प्रमोग्रामिङ ल्याङग्वेज र अन्तिममा पासवर्डतिर निशाना लगाएको पाइन्छ।
नेपालमा भने फेसबुक ह्याक, ह्याक फेसबुक एकाउन्ट, ह्याकिङ, ह्याक फेसबुक पासवर्ड, वाइफाइ पासवर्ड ह्याक, आइफोन ह्याक्स, ह्याक्स लगायतका शब्दहरु बढी खोजीने गरेको रिगोले अनुसन्धान गरेको प्रतिवेदनमा उल्लेख छ।
उच्च ओहदाका व्यक्तिहरुको वेबसाइट ह्याक हुनु, सरकरी निकाय तथा सार्वजनिक संघस्स्थाका वेबसाइट ह्याक हुनु, बैंकको एटीएम नम्बर चोरी हुनु, मिडियाका वेबसाइटहरु ह्याक हुनुले नेपालमा साइबर क्राइमको अनुपात दिनानुदिन बढिरहेको प्रमाणित गरेको छ।
नेपालमा बढ्दै गएको ह्याकिङ, यसको खोजी र सरकारी तथा गैरसरकारी वा उच्च ओहदाको व्यक्तिको वेब संरचनामा सुरक्षाका तवरले ध्यान दिनु नै उपयुक्त भएको रिगो टेक्नोलोजीका म्यानेजर बिजय लिम्बू सेनिह्याङले बताए।
annapurnapost
