कैलासबावु श्रेष्ठ/गोरखा
फागुन ६ गते । बिनाशकारी भूकम्पले पुरयाएको क्षेतिका बिषयमा लगत संकलनका लागि जिल्ला सदरमुकाममा सञ्चालित तेस्रो चरणको सामाजिक परिचालकको तालिम सम्पन्न भएको छ । तालिम सकिए लगत्तै आजै देखी सामाजिक परिचालक र सर्भेयर गाउँ गाउँ पुगेका छन ।
पहिलो चरणमा बिनाशकारी भूकम्पले बढी क्षेती पुरयाएको ३२ गाउँ बिकास समितिमा ६४ जना सर्भेयर र ६४ जना नै सामाजिक परिचालक लगत संकलनका लागि परिचालन गरीएको थियो भने दोस्रो चरणमा भूकम्पले कम क्षेति पुरयाएको गोरखा नगरपालिका, पालुङ्गटार नगरपालिका र हर्मी, छोप्राक, खोप्लाङ्ग, मिरकोट र धुवाकोट गाबिसमा ५४/५४ जना परिचालन गरीएको थियो । 
उत्तरी गोरखाको ७ गाबिस बाहेक बाँकी रहेको १७ गाबिसका लागि हिजो देखी सञ्चालनमा आएको सामाजिक परिचालकको तालिम लगत्तै आजै देखी कार्य क्षेत्रमा जाने गरी ४० जना सर्भेयर र ४० जना सामाजिक परिचालक परिचालन गरीएको जिल्ला तथ्यांक कार्यालयका कार्यालय प्रमुख एबं जिल्ला लगत संकलन समितिका इन्टरलोकुटर यज्ञमुत्र्ती भण्डारीले जानकारी दिए । 
तेस्रो चरणको तालिम सम्पन्न भए लगत्तै गोरखा जिल्लाको २ नगरपालिका र ५३ गाबिसमा लगत संकलनको काम भै रहेको छ । बाँकी रहेको हिमाल पारीको सामागाउँ, प्रोक, ल्हो, बिही, सिर्दीबास, चुम्चेत र छेकम्पार गाबिसमा भने गर्मी मौषम शुरु भए लगत्तै लगत संकलनको काम थालीने तथ्यांक कार्यालय गोरखाले जानकारी दिएको छ ।
यसै बिच लगत संकलनका लागि खटीएको सर्भेयरको सुरक्षा र स्वास्थ्यको जिम्मा पाएको स्वास्थ्य अनुसन्धान तथा सामाजिक बिकास मञ्चका गोरखा जिल्ला प्रतिनिधीले दिएको जानकारी अनुसार पहिलो चरण र दोस्रो चरणमा खटीएका सर्भेयरहरुको टोलीले बिना रोकावट लगत संकलनको काम भै रहेको छ । 
गोरखाको थुमीमा लगत संकलन गर्दै ।
गोरखाको आरुघाट बजारमा लगत संकलन गर्दै ।
गोरखाको बगुवा गाबिसमा लगत संकलन गर्दै ।
गोरखाको पालुङ्गटार नगरपालिकामा लगत संकलन गर्दै ।
गोरखाको तान्दाङ्गमा लगत संकलन गर्दै ।
