कैलासबावु श्रेष्ठ/गोरखा
फागुन २ गते । गत बैशाख १२ र २९गते गएको बिनाशकारी भूकम्पले प्रभाव पारेको गोरखा जिल्लाका बिभिन्न क्षेत्र समेटीएको फोटो जापानमा प्रदर्शन भएको छ ।
भूकम्पले बढी प्रभाव पारेको गोरखाको बारपाक, लाप्राक र सामागाउँमा भूकम्पले पारेको प्रभाव, राहत बितरण र पछिल्लो परिवर्तन र जनजीवनको विषयमा फोटोग्राफर भरतकुमार श्रेष्ठले खिचेको फोटो जापानको क्यूटोमा प्रदर्शनी गरिएको हो ।
विश्व खाद्य कार्यक्रमसंग आवद्ध श्रेष्ठले कामका शिलशिलामा उत्तरी गोरखा पुगेका बेला लिएका तस्बिरहरु प्रर्दशनीमा समाबेश गरीएको हो । फोटोलाई क्यूटोको युजी फ्रेन्डसिप क्लबको आयोजनामा प्रदर्शनी गरिएको हो ।
जनवरी २० देखि २४ सम्म गरिएको प्रदर्शनी दर्शकको माग र भूकम्प पिडित सहयोगको लागि एसियन–अफ्रिकन फिल्म फेस्टिवलका अवसरमा फेब्रुवरी ६ मा बुंक्यो यूनिभर्सिटीमा पनि प्रदर्शन गरिएको श्रेष्ठले जानकारी दिए ।
प्रदर्शनी कार्यक्रममा डा.केनिचि ताचिवानाले भूकम्प पछि गोरखाका नागरिकको अवस्था बारे जानकारी समेत गराएका थिए ।
नेपालका चेपाङबारे विद्यावारिधी गरेका डा.ताचिवानाको आग्रहमा आफूले प्रदर्शनीका लागि फोटो उपलब्ध गराएको र सबै आम्दानी भूकम्प पिडितको सहयोगका लागि खर्च गरीने श्रेष्ठले जानकारी दिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए