१३ औं महाधिवेशनमा गोरखा क्षेत्र नम्बर १ बाट महाधिवेशन प्रतिनिधिमा चुनाव लडेका उनले जिल्लामा क्रियाशील नेताहरुले भन्दा पनि बढी मत ल्याएर पहिलो नम्बरमा विजयी भए। मत परिणाम अनुसार उनले महाधिवेशन प्रतिनिधिमा सबैभन्दा धेरै १ सय ५९ मत ल्याएर विजयी भएका हुन्।
पटक पटक मन्त्री हुँदा भ्रष्टाचार गरेको आरोपमा सर्वोच्च अदालतबाट दोषी ठहर भएपछि उनी २०६७ चैत २ गते जेल परेका थिए। २०६९ वैशाखमा जेलमुक्त भएका उनी जिल्लाको राजनीतिमा त्यति सक्रिय भने थिएनन्। प्राय काठमाडौंमा नै बस्ने उनी जिल्लामा हुने कार्यक्रमहरुमा पनि कमै सहभागी हुन्थे।
वाग्ले आफ्नो गाविस बुंकोटबाट क्षेत्रीय प्रतिनिधिमा सर्वसम्मत चुनिएका थिए। गोरखा क्षेत्र नम्बर १ बाट दुई पटक सांसद निर्वाचित वाग्ले २०६४ सालमा भएको संविधानसभा निर्वाचनमा भने एमाओवादी उम्मेदवार पार्वती थापासँग पराजित भएका थिए।
गोरखा क्षेत्र नम्बर १ मा उनीपछि कांग्रेसका पूर्व जिल्ला सचिव किरणबाबु श्रेष्ठले १४७, ईश्वर पाण्डेले १४१, राजनराज पन्तले १०६, भूगोल थापाले ९४ र जर्नादन अर्यालले ८० मत ल्याएर महाधिवेशन प्रतिनिधि चुनिए।
पूर्व सभासद तथा कांग्रेसका पूर्व मुख्य सचिव जीवनप्रेम श्रेष्ठ क्षेत्र नम्बर १ बाट महाधिवेशन प्रतिनिधिमा पराजित भएका छन्। त्यस्तै पूर्व जिल्ला सभापति चेतमान श्रेष्ठ, हालका जिल्ला सचिव पूर्णबहादुर दाहाल महाधिवेशन प्रतिनिधिको निर्वाचनमा आआफ्ना क्षेत्रबाट पराजित भएका छन्। कांग्रेसका प्रमुख सचेतक चीनकाजी श्रेष्ठ भने गोरखा क्षेत्र नम्बर ३ बाट महाधिवेशन प्रतिनिधि र महासमिति सदस्यमा निर्वाचित भएका छन् ।
