कैलासबावु श्रेष्ठ/गोरखा
माघ २६ गते । देश ब्यापी रुपमा नेपाली काँग्रेसको हिजो जिल्ला निर्वाचनमा गोरखा जिल्ला सभापतिमा हरी बहादुर घले बिजयी भएको छ । जिल्ला कार्य समितिका लागि भएको निर्वाचनमा केन्द्रिय सदस्य द्वय कमला पन्त र सुरेन्द्र पाण्डेले भने मतदानमा सहभागी भएनन् ।
सभापतिको मैदानमा उत्रियका अन्य ३ जनाले घलेले प्राप्त गरेको मत भन्दा पनि कम प्राप्त गरेका छन । ७ सय ७२ मत मध्ये ४० मत नखसेकोमा खसेको कुल मत मध्ये घले एक्लैले ३ सय ७३ मत प्राप्त गरेका थिए ।
उनी संगै सभापति उम्मेदवारी दिएका किरणबावु श्रेष्ठले १ सय ५५ मत प्राप्त गरेका थिए भने ईश्वर पाण्डेले १ सय २९ मत प्राप्त गरेका थिए । त्यस्तै गरी सभापति उम्मेदवार भएका फणिन्द्र धितालले ५७ मत प्राप्त गरेका थिए ।
किनै प्रस्पर्धा हुने अनुमान गरीएको यो चुनावमा घलेले सहज जित हात पारेको हो । घलेले गोरखा काँग्रेसको बिगतमा बिग्रीएको संगठन बिस्तार उनको जितको प्रमुख कारण मानिएको छ ।
त्यस्तै गरी सचिबमा पूर्ण दाहाल र कोषाध्यक्षमा कृण्ण बहादुर आले बिजयी भएका छन ।
नेपाली काँग्रेस गोरखाको हिजो भएको जिल्ला कार्य समितिका बिजयी उम्मेदवारहरुको परिणाम
क्षेत्र नम्बर १
महिला सदस्य ललिता अधिकारी र बिना श्रेष्ठ
आदीबासी जनजाति सदस्य हिरा बहादुर थापा
दलित सदस्य लाल बहादुर बि.क.
अल्पसंख्यक वा पिछडीयका बर्ग सदाउद्विन मियाँ
जिल्ला कार्य समिति नारायण लामिछाने र तोकमान श्रेष्ठ
महिला सदस्य क्षेत्र नम्बर २
महिला सदस्य मिना अधिकारी र गौरी मायाँ तामाङ्ग
जिल्ला कार्य समिति सदस्य राम प्रसाद भण्डारी
आदीबासी जनजाति सदस्य भक्त बहादुर गुरुङ्ग
अल्पसंख्यक वा पिछडीएको बर्ग मिना कुमाल निर्बिरोध
महिला सदस्य क्षेत्र नम्बर ३
महिला सदस्य फुलमाया गुरुङ्ग र अम्बिका देवी थापा निर्बिरोध चयन
आदीबासी जनजाति सदस्य टिकाराम गुरुङ्ग
दलित सदस्य संगिता सुर्खेती
अल्पसंख्यक लुत्र बहादुर बराम
जिल्ला कार्य समिति सदस्य राजु गुरुङ्ग त्यस्तै गरी ठाकुर भट्ट र सन्तोष गुरुङ्गको मत बरावरी भएका कारण गोला प्रथा द्वारा आज बिजयी उम्मेदवार घोषणा गरीने भएको छ ।
