कैलासबावु श्रेष्ठ/गोरखा
माघ १९ गते । गएको बैशाख १२ गते र २९ गतेको बिनाशकारी भूकम्पमा परी बावुआमा गुमाएका बच्चाहरुलाई एक कार्यक्रम बिच नगद र केही सहयोगी सामाग्रीहरु बितरण गरीएको छ ।
जिल्ला प्रहरी कार्यालय गोरखाको समन्वयमा सामुदायिक सेवा केन्द्र, गोरखा उद्योग बाणिज्य संघ, एकल महिला समूह र होण्डा हाउसको सहयोगमा गोरखा सदरमुकामको बालमन्दिरमा अध्ययनरत बालबालिकाहरुलाई प्रति ब्यक्ती २ हजार रुपैयाँ, सोलार लालटेन र फिल्टर सहयोग उपलब्ध गराएको हो ।
‘भूकम्प बाट बावुआमा गुमाएका बच्चाहरु संग भेटघाट’नाम दिई जिल्ला भर अभियानको रुपमा लाने तयारी साथ जिल्ला प्रहरी कार्यालयले पहिलो चरणमा सदरमुकामा ति बिद्यार्थीहरुलाई सहयोग उपलब्ध गराएको हो ।
यो अभियान अन्तरर्गत केही दिन भित्रै जिल्लाको बिभिन्न क्षेत्रमा पुगी बावुआमा गुमाएका बच्चाहरुलाई नगद र सहयोगी सामाग्री दिने तयारी भै रहेको जिल्ला प्रहरी कार्यालय गोरखाका प्रहरी नायब उपरिक्षक बसन्त रजौरेले बताए ।
बिनाशकारी भूकम्पमा परी ३५ जना बालबालिकाले बावुआमा गुमाएका छन ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए