अति बिपन्नलाई सेनाको राहत

सोमबार, माघ १८, २०७२ मा प्रकाशित

कैलासबावु श्रेष्ठ/गोरखा
माघ १८ गते । उत्तरी गोरखाको सिम्जुङ्ग, खरीबोट र हंशपुर गाबिसमा बसोबास गर्ने अति बिपन्न बर्गका सर्ब साधारणहरुलाई नेपाली सेनाले राहत बितरण सम्पन्न गरेको छ ।
गत बैशाख १२ र २९ गते बिनाशकारी भूकम्प गए पछि बिहान बेलुकी छाक टार्न मुस्कील परेका सिम्जुङ्ग, खरीबोट र हंशपुर गाउँ बिकास समितिमा बसोबास गर्ने सर्ब साधारणहरुलाई नेपाली सेनाको गोरखा सदरमुकाममा रहेको भैरबी दल गणले चामल, त्रिपाल र बिस्कुट बितरण गरेको थियो ।
गणले दिएको जानकारी अनुसार खरीबोट गाबिसको ओलाङ्ग, खिम्पु, अपुन, सिस्ने, सिम्जुङ्ग गाबिसको महभिर, सिरानडाडाँ र हंशपुर गाबिसको नम्कीमा गरी ५ सय घर धुरीलाई १ हजार ५ सय के.जी.चामल, २० थान त्रिपाल र ५ सय प्याकेट बिस्कुट बितरण गरीएको थियो ।
सेनाले सिम्जुङ्गको उमा महेश्वर प्रा.बि.का बिद्यार्थीहरुलाई समेत बिस्कुट बिरतण गरीएको थियो ।
तस्बिर सौजन्य भैरबी दल गण गोरखा (नेपाली सेना)