कैलासबावु श्रेष्ठ/गोरखा
माघ १४ गते । गत बैशाख १२ र २९ गते गरी पटक पटक गएको बिनाशकारी भूकम्प पछि टहरामा बास बस्दै आएका आरुपोखरीका सर्ब साधारणहरुलाई न्यानो कपडाको प्रलोभनमा पारी अरुले लगाएर थोत्रा बनाएको कपडा बितरण गरीएको छ । 
आरुपोखरी बासीले आफुहरुलाई झुक्काएर थोत्रा कपडा बितरण गरेको भन्दै बितरण गर्न ल्याएको कपडाको पोकाहरु बाटोमा नै फालिदिएका छन । 
गोरखा सदरमुकाम देखी उत्तरमा रहेको यो गाबिसमा रहेको वडा नम्बर ६, ७ र ९ का सर्ब साधारणहरुलाई न्यानो नयाँ कपडा भन्दै भारी बोक्न लगाएको थियो । साहित्यकार युवराज नयाँघरे र सेन्ट्रोलोजी भोलेन्टर मिनिस्टर नेपालका प्रोडक्सन डाइरेक्टर गुणराज प्याकुरेल समेतको उपस्थिती रहेको थियो ।
सेन्ट्रोलोजी भोलेन्टर मिनिस्टर नेपालसँगै शुभारम्भ युवा क्लब, युथ फर ह्युमन राइट्स, देश दर्शन नेपाल, नव जागरण युवा क्लब, नेपाल स्काउट, स्काउटिङ फर पिस, गिनिज इन्टरनेसनल कलेज, स्याटेलाइट नेपाल, तेरापन्थ महिला मण्डल, गुह्येश्वरी सेभिङ एण्ड क्रेडिट लिमिटेड, कान्तिपुर ओपन रोभर, विगिनर्स ओपन रोभर क्र्यु, लिस्नर्स क्लब, वायोनेक नेपालले सहयोग गरेको थियो ।
कार्यक्रमको समन्वय स्थानिय बिनोद सापकोटाले गरेका थिए ।
एउटा गाडी भरी हालेर लिएर गएको थोत्रा कपडा बोक्ने उनीहरुले गाउँलेलाई बोलाएर कपडा समेत बोकाएर लगेका थिए । कच्ची सडक छेवैमा रहेको सबै कपडा ३ दिन लगाएर स्थानियले जलाएका थिए । 
