कैलासबावु श्रेष्ठ/गोरखा
माघ ११ गते । गोरखा सदरमुकाममा २ दिने निशुल्क मुटुरोग स्वास्थ्य शिवीर सम्पन्न भएको छ ।
रोटरी क्लब अफ गोरखा, रोडट्राक गोरखा र गोरखा अस्पताल गोरखाको संयुक्त आयोजनामा भएको शिवीरमा जिल्लाका १ हजार ४ सय ६५ जनाले स्वास्थ्य परिक्षण गराएका थिए ।
मनमोहन मार्डियोथोरासिक भास्कुलर तथा ट्रान्सप्लान्ट सेन्टर र त्रि.बि.शिक्षण अस्पताल मुटु जोगाउ संस्था (सेफ द हर्ट) को प्राविधिक सहयोगमा गोरखा अस्पतालमा भएको शिवीरमा डा.अनिल भट्टराईको नेतृत्वमा २५ जना स्वास्थ्यकर्मीहरुको टोलीले बिरामीको स्वास्थ्य परिक्षण गरीएको थियो ।
स्वास्थ्य परिक्षणका क्रममा ८ सय ८९ जना महिला तथा ५ सय ७६ जना पुरुषले स्वास्थ्य परिक्षण गराएकोमा ९५ जनालाई सुविधा सम्पन्न अस्पतालमा गै थप उपचार (शल्यक्रिया) गराउन टोलीले सिफारीस गरेको छ ।
शिबीरमा ३ सय २२ जनाले ईसिजी र २ सय ६५ जनाले इको गराएका थिए भने बाँकी सबैलाई निशुल्क रुपमा औषधी दिईएको थियो । शिबीरको बारेमा आज सदरमुकाममा पत्रकार सम्मेलन गर्दै रोटरी र रोडट्राकले मुटुको भल्ब फेनुपर्ने ६३ जना, जन्मजात मुटुरोगी १४ जना र कोरोनरी १३ तथा मुटुको धड्कन अनियमीत हुने २ जना बिरामी फेला परेको जानकारी गराईएको थियो ।
थप उपचारका लागि जानुपर्ने ९५ जना मध्ये पनि ५६ जनाले तत्कालै उपचार गराउनु पर्ने र ३९ जनाले औषधी सेबन गरी केही समय पछि थप उपचारको लागि सुविधा सम्पन्न स्वास्थ्य संस्थामा जान स्वास्थ्यकर्मीहरुको टोलीले सल्लाह दिएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए