कैलासबावु श्रेष्ठ/गोरखा
पौष २४ गते । गोरखा सदरमुकाम हुदै उत्तरी क्षेत्रको बारपाक तथा अन्य स्थानमा जानका लागि सबै भन्दा छोटो बाटोको रुपमा परिचय पाएको नारेश्वर–निबेल अन्तरर्गतको नारेश्वर देखी पडिन चौतारा सम्मको कच्ची बाटोको स्तरोन्नतीकाम शुरु भएको छ ।
नेपाल सरकार, एडिबी र ओफिडको आर्थिक सहयोगमा सञ्चालित बिकेन्द्रीत ग्रामिण पूर्वाधार तथा जिबिकोपार्जन सुधार कार्यक्रम अन्तरर्गत ७ किलो मिटर ८ सय ६० मिटर कच्ची सड्कलाई स्तरोन्नतीकाम शुरु भएको बिकेन्द्रीत ग्रामिण पूर्वाधार तथा जिबिकोपार्जन सुधार कार्यक्रम गोरखाका प्रमुख निरज सिंखडाले जानकारी दिए ।
भारतीय अघोषीत नाकाबन्दी लगत्तै तेल अभावका कारण सम्झौता भएको ४ महिना पछि मात्र कच्ची सड्क स्तरोन्नतीको काम शुरु भएको हो । अहिले कार्यलयको बिशेष अनुरोध मार्फत निगमको अमलेखगञ्ज बाट २४ हजार लिटर डिजल ठेकेदार कम्पनीलाई प्राप्त भएको छ ।
कच्ची सड्क स्तरोन्नतीकाम शुरु गनुपूर्व नै कार्यालयले दुई चरणमा सड्क दायाँ बायाँका जग्गा धनीलाई २ करोड ८० लाख रुपैयाँ बितरण गरी सकेको छ । बाँकी २० लाख भने कार्यालयले छिट्टै बाड्ने योजना रहेको जनाएको छ ।
नारेश्वर देखी पडिन चौतारा सम्म सड्क स्तरोन्नतीको काम हुदाँ करीब २० हजार ७ सय ९२ घन मिटर माटो खन्ने काम हुने छ भने १ हजार ८ सय ४३ दशमलब ३९ घन मिटर मेशिनरी वाल र ५ हजार १ सय ३१ दशमलब ५४ घन मिटर ग्राबेलको काम हुने छ ।
सड्क स्तरोन्नतीको काम सम्पन्न भए संगै उत्तरी गोरखाका २० भन्दा बढी गाउँ बिकास समितिका सर्व साधारणहरुलाई आउ जाउँमा सहजता हुने छ । ठेकेदार कम्पनी हिम्दुङ्ग एण्ड थोकर÷नाना जे.भी.ले सड्क स्तरोन्नतीका लागि ४ करोड १८ लाख १४ हजार २० रुपैयाँ ५९ पैसामा काम गर्ने सम्झौता भएको हो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए