कैलासबावु श्रेष्ठ/गोरखा
पौष १७ गते । भूकम्प प्रभावित क्षेत्रमा बसोबास गर्ने दलित तथा सिमान्तृत समुदायको अबस्था अध्ययन गर्न आएको एक टोलीले गोरखामा बिनाशकारी भूकम्प गए पछि दलित भएकै कारण राहतमा बिभेद गरीएको बताए ।

(अध्ययन टोली प्रहरी नायब उपरिक्षक बसन्त रजौरे संग कुराकानी गर्दै)
गएको बैशाख १२ गते र २९ गतेको बिनाशकारी भूकम्प पछि जिल्लाको बगुवा र पालुङ्ग तथा गोरखा नगरपालिकामा बसोबास गर्ने दलित तथा सिमान्तकृत समुदायमा भूकम्प प्रभावित दलित सिमान्तकृत समुदायको अवस्था अध्ययनगर्न आएको साँसद तथा अधिकारीकर्मीहरुको टोलीले उत्त कुरा सार्वजनिक गरेको हो ।
समता फाउण्डेशन रनेपाल दलित महिला उत्थान संघ (एडवान) को संयुक्त आयोजनामा टोली संयोजक बिनोद पहाडी सहित सह संयोजक डा.बुद्वि नेपाली, साँसद कमल बिश्वकर्मा (नेकपा माले), अधिकारकर्मी गौरा नेपाली, राष्ट्रिय दलित आयोगका पूर्व सदस्य सचिव भूवन सुनार, गोपाल नेपाली र तेजेन्द्रमान तामाङ्ग सहितको टोलीले गोरखाको भिन्न ३ स्थानमा रहेको दलित तथा सिमान्तकृत समुदायमा पुगी अध्ययन गर्दा यस्तो देखीएको टोली प्रमुख पहाडीले जानकारी दिएको हो । साथै संयोजक पहाडीले गोरखाको बगुवामा अहिले पनि चरम छुवाछुत भएको कुरा बताए ।

(अध्ययन टोली प्रहरी नायब उपरिक्षक बसन्त रजौरे संग कुराकानी गर्दै)
टोलीले पौष १५ र १६ गते २ दिन मा दलित र सिमान्तकृतीको अवस्था, उत्त समुदायमा राहत पुगे नपुेको र शिक्षा र स्वास्थ्यको अवस्था कस्तो छ भनेर अध्ययन गरेको थियो । अध्ययनमा दलित भएकै कारण राहतमा बिभेद गरीएको, कार्ड पाउन बाट बञ्चित गरीएको तथा पालुङ्गटार नगरपालिका भित्र रहेको गाईखुरको गोप्टेश्वार र बर्षरे मा १७ घर परिवारलाई आज सम्म पनि कुनै पनि प्रकारको राहत बितरण नगरेको प्रमाण पाएको टोली संयोजक पहाडीले बताए ।
सिन्धुपाल्चोक, दोलखा पछि गोरखा आई पुगेको टोली तनहँु जिल्लाको केही गाउँमा पुगेर राजधानी फर्कने र पौष २४ गते राष्ट्रियकार्य शाला गरेर प्रधानमन्त्री र दातृ निकायलाई सो बिषयमा जानकारी दिने कार्यक्रम रहेको छ । टोलीले राहत पुरयाउन के के गनुपर्ने भन्ने विषयमा सुझाव समेत दिने कार्यक्रम तय गरेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए