तस्बिर : गाेरखा प्रहरी
गाेरखा । पहिराे खसेर अबरुद्ध भएकाे गाेरखा-आरुघाट सडक सुचारु भएकाे छ ।
आइतबार बिहान ९:३० बजे आरुघाट गाउपालिका-९ काे भञ्ज्याङ स्थित मध्यपहाडी लोकमार्गमा सडक माथीबाट आएकाे पहिराेका कारण सडक अबरुद्ध भएकाे थियाे ।
५० मिटर माथीबाट ढुङ्गा माटो सहितको सुख्खा पहिरो खसेर पुर्ण रुपमा अबरुद्ध भएको उक्त सडक खुलाएर सुचारु गरिएकाे जिल्ला प्रहरी कार्यालय गाेरखाका प्रहरी नायव उपरिक्षक एवं सूचना अधिकारी राज कुमार श्रेष्ठले बताए ।
पहिराे हटाउन गाउपालिका र सडक डिभिजन कार्यालय संग समन्वय गरेर पहिरो पन्छाउने कार्य भएको उनले जानकारी दिए ।
पहिराे जादा बिहान केही समय उक्त सडक खण्डमा सवारी यातायातमा अबराेध र्सिजना भएकाे थियाे ।
