गाेरखा । नुवाकोटमा बिहीबार साँझ भएको सवारी दुर्घटनामा परी १ जनाको ज्यान गएकाे छ । साेही दुर्घटनामा परी गम्भीर घाइते भएका २ जनाको काठमाडौँमा उपचार भइरहेको छ ।
ज्यान गुमाउनेमा सिराहा सुखीपुरी–२ का ३५ वर्षीय सञ्जीवकुमार चौधरी भएकाे जिल्ला ट्राफिक प्रहरी कार्यालय नुवाकोटका प्रमुख प्रहरी निरीक्षक विनोद ढकालले पुष्टी गरेकाे हाे ।
उनका अनुसार छहरे–टोखा सडकखण्डस्थित शिवपुरी गाउँपालिका–६ गुर्जेभञ्याङमा जिप दुर्घटनामा परेर अन्य २ गम्भीर घाइते भएका छन । ज्यान गुमाउने चाैधरीकाे काठमाडौँस्थित ग्राण्डी अस्पताल पुर्याएलगत्तै चिकित्सकले मृत्त घाेषणा गरेका थिए ।
दुर्घटनामा घाइते भएका सुनसरीको इनरुवा नगरपालिका–५ का ४० वर्षीय उत्सव पोखरेल र काठमाडाैं महानगरपालिका–९ गौरीघाटका ४४ वर्षीय लोकेश मिश्रको पनि ग्राण्डी अस्पतालमा उपचार भइरहेको छ ।
ढिकुरेबाट काठमाडौँ जाँदै गरेको BAE ०५६९ नम्बरको विद्युतीय कार छहरे–टोखा सडकखण्डस्थित शिवपुरी गाउँपालिका–६ गुर्जेभञ्याङ नजिकै अनियन्त्रित भएर सडकबाट करिब १५० मिटर तल खसेको थियो ।