गाेरखा । आज मुस्लिम धर्मावलम्बीको दोस्रो महान् पर्व बकर इद अर्थात इदुल जोहा देशभरी मनाउँदै छन् ।
इदुल फित्र अर्थात् रमजान पर्वको ७०औँ दिनमा बकर इद मनाउने धार्मिक विधि अनुसार आज इद परेकाेले नेपाल सरकारले सार्वजनिक बिदा समेत दिएकाे छ ।
मुस्लिम धर्मावलम्बीले आजका दिन बिहानै स्नान गरी नजिकैको मस्जिद वा इदगाहमा गई सामूहिक नमाज पढ्ने परम्परा रही आएकाे छ । नमाज पढिसकेपछि एकापसमा शुभकामना आदानप्रदान गर्ने गरिन्छ ।
आजैका दिनमा राजधानीकाे दरबारमार्गस्थित नेपाली जामे मस्जिद, काश्मिरी मस्जिदलगायत देशभरका मस्जिद र इदगाहमा मुस्लिम धर्मावलम्बीको भीड लाग्छ ।
हिजरी संवत्अनुसार १४३९ वर्ष पहिले अल्लाहको आदेशमा इब्राहिमले आफ्ना छोरा इस्माएल अलेह सलामलाई बलिदान गर्न तयार भएको सम्झनामा यो पर्व मनाउन थालिएको हाे ।
मुस्लिम धर्मावलम्बीले शनिबारसम्म ३ दिन यो पर्व मनाउने गर्दछ । यि दिनहरुमा उनीहरुले कुर्बानी गर्नुपर्ने मुस्लिम धर्मावलम्बीको विधि रहेको छ ।