गाेरखा । नेपालमा हाल पश्चिमी वायु र स्थानीय वायुको प्रभाव रहेको छ । जसका कारण देशको पहाडी र हिमाली भागमा साधारणतया बादल लागेको छ भने बाँकी तराईमा मौसम मुख्यतया सफा रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।
महाशाखाका अनुसार आज दिउँसो कोशी, मधेस, बागमती र गण्डकी प्रदेशलगायत लुम्बिनी र कर्णाली प्रदेशको हिमाली र पहाडी भागमा साधारणतया बादल लाग्नेछ ।
बाँकी प्रदेशका हिमाली र पहाडी भागमा आंशिक बादल लाग्नेछ भने तराईमा मुख्यतया सफा रहनेछ । कोशी, बागमती र गण्डकी प्रदेशका केही स्थान तथा मधेश प्रदेशलगायत बाँकी हिमाली र पहाडी भागका केही स्थानमा मध्यमसम्म वर्षा र हिमपातको सम्भावना छ ।
सुदूरपश्चिम र लुम्बिनी प्रदेशका तराई भागमा गर्मी बढ्न सक्ने सम्भावना रहेको महाशाखाले जनाएको छ ।
त्यसैगरी, आज राति कोशी, मधेस, बागमती र गण्डकी प्रदेशमा साधारणतया बादल लाग्नुका साथै बाँकी पहाडी र हिमाली भागमा आंशिक बादल लाग्नेछ ।
बाँकी तराईमा मौसम मुख्यतया सफा रहनेछ । कोशी, मधेस, बागमती र गण्डकी प्रदेशका केही स्थानमा मेघगर्जन र चट्याङसहित हल्का वर्षा र हिमपातको सम्भावना रहेको महाशाखाले जनाएको छ ।