गोरखा । गोरखा नगरपालिकाले बजार क्षेत्रमा लोप हुदै गएको कालो सुँगुर प्रबर्द्धनकोलागी बजेट बिनियोजन गरेको छ ।
बिगतमा प्रसस्त रुपमा देखिने त्यस्ता सुँगुर–बंगुर देखिन छाढेको गुनासा पछी प्रबर्द्धन गर्न बजेट बिनियोजन गरेको गोरखा नगरपालिका पशुपंक्षी बिकास शाखाका प्रमुख, पशु बिकास अधिकृत डा.सुवास बेल्वासले बताए ।
‘पहिला पहिला बजार क्षेत्रमा कालो सुँगुर र बंगुर धेरै थियो रे’ उनले भने ‘पालिका र शाखामा समेत गुनासा आउन थालेपछी प्रबर्द्धनकालागी रकम बिनियोजन गरेका हौ ।’
उनका अनुसार नगर क्षेत्र भित्र त्यस्ता प्रकारका सुँगुर तथा बंगुर पालनकाालागी किसान तथा कृषक समूहलाई अनुदान दिने गरी ३ लाख रुपैयाँ बिनियोजन भएको जानकारी दिए ।
‘अहिले पालिका तथा शाखाको तर्फबाट हामीले सूचना जारी गरेका छौ’ उनले भने ‘ईच्छुक किसान तथा कृषक समूहले निवदेन दिएपछी अध्ययन गरेर अनुदान रकम बितरण गर्ने छौ ।’
शाखाले उक्त कार्यक्रममा किसान वा कृषक समूहले ५० प्रतिशत अनुदान पाउने जानकारी दिएको छ । यसले गर्दा ६ लाख मूल्यको कालो सुँगुर वा बंगुर खरिद हुने छ र किसान वा समूहले पालन गर्ने छ । जसमा १ वटा भाले हुन अनिवार्य हुनुपर्ने पनि डा.बेल्वासेले बताए ।
१४ वटा वडा रहेको गोरखा नगर क्षेत्र भित्र प्रत्यक वडामा १ वटा समूहले मात्र उक्त अनुदान पाउने छ । यो अनुदान कालो सुँगुर वा बंगुरको बच्चा खरिदमा मात्र हुने पनि डा.बेल्वासेले बताए ।
शाखाले बिनियोजन गरेको उक्त रकम पाउन निवेदन, नेपाली कागरिकताको प्रतिलिपी, सम्वन्धित वडाको सिफारीस, भाडामा ब्यवसाय संचालन गरेको भए भाडा सम्झौैता, समूह वा सहकारीको बैठकको निर्णयको प्रतिलिपी, भ्याट वा प्यान दर्ता प्रमाणपत्रको प्रतिलिपी, नविकरण र कर चुक्ता प्रतिलिपीको माग गरेको छ ।