गाेरखा । गाेरखा जेसिज गाेरखाले आज ह्विल चियर बितरण गरेकाे छ । गाेरखा नगरपालिका-३ नारेश्वरमा रहेका ४ जनालाई ह्विल चियर बितरण गरेकाे अध्यक्ष सुमन गुरुङले बताए ।
नारेश्वरका खड्गबहादुर बिक, मिठुमायाँ सिर्मल, गंगाकुमारी खड्का र प्रभात कुमाललाई ह्विल चियर बितरण गरिएकाे गाेरखा जेसिज गाेरखाले जानकारी दिएकाे छ ।
हाल राेजगारीकाे सिलसिलामा अमरिकामा बस्दै आएका गाेरखाका उत्तम जंङ थापाकाे सक्रियतामा संकलित १ लाख ८७ हजार ४०० रुपैयाँले खरिद गरेकाे ३६ थान चियर मध्ये ४ थान बितरण गरिएकाे अध्यक्ष गुरुङले जानकारी दिए ।
बाँकी चियरहरु जिल्ला भित्र रहेका पूर्ण रुपमा अपाङता तथा आर्थिक अवस्था कमजाेर एवं अत्यावश्यक मानिसहरु लाई मात्र बितरण गरिने गाेरखा जेसिजले जानकारी दिएकाे छ ।
आजकाे ह्विल चियर बितरण कार्यक्रममा गाेरखा नगरपालिका-३ का वडाध्यक्ष सानुकाजी कुवर, गाेरखा जेसिज गाेरखाका अध्यक्ष गुरुङ, काेषाध्यक्ष प्रमाेद जंङ कुवर, कानूनी सल्लाहकार सुजित श्रेष्ठ एवं बुद्धी जाेगी र जिवन थापा समेतकाे उपस्थिती रहेकाे थियाे ।