गोरखा । गोरखा दरर्बारमा राखिएको दानपेटिकामा १९ बर्षको अवधिमा करिब १८ लाख रुपैयाँ संकलन भएको छ ।
दानपेटिकाबाट हालसम्म १७ लाख ५५ हजार ६१ रुपैयाँ संकलन भएको मुल पूजारी सारदा प्रसाद भट्टराईले जानकारी दिए ।
गोरखा दरर्बारमा ०६४ सालदेखी दानपेटिका राखेर श्रद्वालुहरुले दिने भेटी संकलन हुदै आएको छ ।
पछिल्लो पटक ०८२ साल बैशाख १५ गतेदेखी असोज ९ गतेसम्म दानपेटिकामा संकलन भएको रकमको गणना आज गरिएको थियो । आज उक्त पेटिकाबाट २ लाख ८ हजार १४० रुपैयाँ संकलन भएको मुल पूजारी भट्टराईले बताए ।
‘यस अघि संकलन भएको १५ लाख ४६ हजार ९२१ रुपैयाँ थियो’ उनले भने ‘आज गणना भएको २ लाख ८ हजार १४० सहित कुल १७ लाख ५५ हजार ६१ रुपैयाँ बैंक दाखिला गरिएको छ ।’
संकलित उक्त रकम मुल पूजारी भट्टराई र दरर्बारका कर्मचारी लाल बहादुर खनखवासको संयुत्त खातामा जम्मा हुदै आएको छ । संकलित रकम खर्च सम्वन्धि कार्य विधी नभएका कारण रकम खर्च गर्न दरर्बार अन्यौलमा परेको छ ।
भेटी गणनामा गोरखा दरबार हेरचाह अड्डा, कोष तथा लेखा नियन्त्रण कार्यालय, जिल्ला प्रशासन कार्यालय, जिल्ला प्रहरी कार्यालय, नेपाली सेना र दरर्बार भित्रका कर्मचारी सहभागी भएको मुल पूजारी भट्टराईले जानकारी दिए ।