गोरखा । भेटेरिनरी अस्पताल तथा पशु सेवा विज्ञ केन्द्र गोरखाले दूध उत्पादन गर्ने किसानलाई अनुदान दिन यस बर्ष १५ लाख विनियोजन गरेको छ । दूध उत्पादन कृषकलाई प्रोत्साहनका लागि कार्यालयले चालु आर्थिक बर्ष ०८२–०८३ को लागि १५ लाख बजेट विनियोजन गरेको हो ।
कार्यालयले सहकारी मार्फत दूध बिकी गर्ने किसानहरुलाई प्रोत्साहन गर्न प्रति लिटर ५ रुपैयाँका दरले अनुदान दिने ब्यवस्था मिलाएको विज्ञ केन्द्रका प्रमुख एवं बरिष्ठ पशु चिकित्सक डा.अनन्त कोइरालो जानकारी दिए । उनले भने ‘दूध उत्पादनमा अनुदान कार्यक्रमले किसानलाई पशुपालनतर्फ आकर्षित गर्न सहयोग पुर्यानुका साथै जिल्लालाई दूधमा आत्मनिर्भर बनाउन समेत सहयोग पुग्छ ।’
अनुदान पाउने किसानले कार्यालयमा सूचिकृत भएको दूग्ध उत्पादन सहकारीमा दूध संकलन गराउन पर्ने कार्यविधी रहेको उनले बताए । ‘थोरै दूध उत्पादन हुने किसानले संगठित रुपमा काम गरोस भनेर सहकारी मार्फत काम गराउने कार्यबिधी तयार पारेको हो’ उनले भने ‘यसले साना किसानहरुको घरमा रहेको दूध समेत बजारसम्म जाने बाटो सहज हुन्छ ।’
गत बर्ष १० लाख रुपैयाँ विनियोजित गरेको कार्यायले यस पटक उक्त रकमलाई बढाएर १५ लाख पुर्याएको छ । गएको आर्थिक बर्ष ०८१–०८२ मा गोरखा नगरपालिका–१४ को बुढीकोटी दूग्ध उत्पादन सहकारी संस्थाले मात्र आवेदन दिएको पनि उनले जानकारी दिए ।
तर यसपटक भने सिरानचोक र पालुङटार नगरपालिकाले पनि किसानहरुलाई संगठित पारेर सहकारी संस्था स्थापना गर्ने काम भईरहेकाले अनेत्रका किसानहरुले पनि अनुदानको रकम पाउने देखिएको डा.कोइरालाले बताए ।
पशुपन्छी तथा मत्स्य ब्यवसाय प्रवद्र्वन कार्यक्रम अन्तरर्गत उत्पादनमा आधारित प्रोत्साहन सहयोग नाम दिएको उक्त अनुदान यो बर्ष ३ लाख लिटर दुधलाई अनुदान दिन लागेको हो ।
किसानले पाउने रकम सहकारी मार्फत प्रदान गरिने पनि डा.कोइरालाले बताए । ‘हामीले किसानले पाउने रकम सहकारीमा जम्मा गरिदिन्छौ’ उनले भने ‘सहरकारीले किसानले दूध संकलन गरेको आधारमा रकम बितरण गर्छ ।’
कार्य विधी अनुसार किसानले सहकारीमा दूध संलकन गरेको प्रमाण कार्यालयलाई उपलब्ध गराउनु पर्ने र सोही अनुसार मात्र सहकारीलाई रकम प्रदान गरिने छ ।
सोही कार्य बिधी अनुसार सहकारीले दैनिक २०० लिटर दूधको कारोबार गरेको हुनुपर्ने छ । त्यस्ता सहकारीले मात्र आवेदन माग गरेको अवस्थामा आवेदन दिन सक्ने कार्यालयले जनाएको छ ।