काठमाडौं । फिफा महिला वरीयतामा नेपालले ऐतिहासिक सफलता हात पारेकाे छ । विश्व फुटबलको सर्वोच्च निकाय फिफाले सार्वजनिक गरेको नयाँ वरीयतामा नेपाल १३ स्थान माथि उक्लिएर ८७औं स्थानमा पुगेको छ ।
यसअघि नेपाल ९१औं स्थानसम्म पुगेको थियो । जुन् रेकर्डलाई पनि उछिनेर नयाँ सफलता हासिल भएको हो । यो नेपाली महिला टोलीले हासिल गरेको हालसम्मकै उच्च वरियता हो ।
यसअघि १००औं वरियतामा रहेको नेपाल यसअघिको अंकबाट ४६.४९ अंक बढेर नयाँ वरियतामा ८७औं स्थानमा पुगेको हो। एसियाली राष्ट्रहरुमध्ये नेपाल १६औं स्थानमा छ ।
नेपालले महिला एसियन कप छनोटमा श्रीलंका र लाओसलाई हराउँदा उज्बेकिस्तानसँग बराबरी खेलेको थियो । यस प्रतियोगितापछि नेपालको वरियतामा ठुलो सुधार आएको हो ।
फिफा वरियताको शीर्ष स्थानमा स्पेन उक्लिएको छ भने अमेरिकी टोली दोस्रोमा झरेको छ ।
पुरूषतर्फको वरियतामा भने नेपाल १७५औं स्थानमा छ ।