काठमाडौं । प्रहरी उपरीक्षक (एसपी) नवीनकृष्ण भण्डारीले अनिवार्य अवकाशको ३ दिन अघि राजीनामा दिएपछी डिएसपी वीरेन्द्र थापाको बढुवा सिफारिस गरिएको छ ।
३० वर्षे सेवा अवधिका कारण २१ साउनमा अनिवार्य अवकाशमा जान लागेका भण्डारीले त्यसको ३ दिनअघि १८ साउनमै राजीनामा दिएका हुन् ।
प्रहरी जवानबाट सेवा प्रवेश गरेका उनी प्रहरी नियमावलीको ३० वर्षे सेवा अवधिका कारण २१ साउनमा अनिवार्य अवकाश जाँदै थिए । घरायसी कारण देखाएर राजीनामा दिएका उनी विदेश जान लागेको स्राेतले बतायाे ।
उनै भण्डारीले राजीनामा दिएपछि खालीको ठाउँमा डीएसपी वीरेन्द्र थापाको बढुवा सिफारिस भएको हाे ।