काठमाडौं । राष्ट्रिय स्वतन्त्र पार्टी (रास्वपा) ले सभापति रवि लामिछानेका पक्षमा झन्डै २५ लाख हस्ताक्षर संकलन भएको जनाएको छ ।
बिहीबार पार्टी कार्यालय बनस्थलीमा पत्रकार सम्मेलन गरी रास्वपाले पार्टी सभापति लामिछानेविरुद्ध राज्यले प्रतिशोध साँधेको भन्दै चलाएको अभियानमा २४ लाख ५७ हजार ६१८ जनाले हस्ताक्षर गरेको जानकारी दिएको हो ।
७ असारबाट सुरु भएको अभियान अब गाउँतहसम्मै पुर्याउने रास्वपा नेता दीपक बोहराले जानकारी दिए । उनका अनुसार प्रदेश, जिल्ला र पालिकास्तरमा चलेको हस्ताक्षर अभियान साउन ५ गतेबाट जनस्तरसम्म पुर्याउन घरदैलो अभियान सञ्चालन गर्ने पार्टीको तयारी छ ।
संगठित सहकारी ठगी प्रकरणमा रास्वपा सभापति हाल भैरहवास्थित कारागारमा पुर्पक्षको सजाय काटिरहेका छन् ।
लामिछानेविरुद्ध राजनीतिक प्रतिशोध साँधिएको भन्दै रास्वपाले राजनीतिकर्मी, कलाकार र जनताको हस्ताक्षर संकलन गर्दै आएको छ ।
