फाइल तस्वीर
काठमाडाैं । काठमाडाैं महानगर प्रहरी बलका प्रमुख राजु पाण्डे काममा फर्किएका छन् । हिजो उच्च अदालत पाटनले निलम्बनसम्बन्धी निर्णय कार्यान्वयन नगर्न अन्तरिम आदेश दिए लगत्तै उनी आजदेखी काममा फर्किएका हुन ।
यसअघि पाण्डेलाई प्रमुख प्रशासकीय अधिकृत सरोज गुरागाईंले ६ महिने निलम्बन गरेका थिए । अदालतको आदेशपछि पाण्डे सुन्धारामा रहेको महानगर प्रहरी बलको कार्यालयमा हाजिर गरेर आफ्नो नियमित काम शुरू गरेकाे हाे ।
प्रमुख प्रशासकीय अधिकृत गुरागाईंले आफूलाई पाण्डेले कार्यालय प्रवेशमा अवरोध गरेको भन्दै छानबिन समिति बनाएर निलम्बन गरेका थिए ।