तिलक पाैडेल
माघ ३ गते बिहीबार बिहान यथासमयमा उठी सिरानको छतमा प्रातस्कालीन योगादि कर्महरू सम्पादन गरेँ । आफन्तजनसँग सम्पर्कको प्रयास 
ईश्वरीदाइसँगको कुराकानीबाट सफल महसुस गर्दै कोठामा लगेजहरू मिलाई बाहिर निस्केर कफी बिस्कुटले फाष्टलाई ब्रेक गरियो । अनि कोठामा आई तयारी नास्ता गरेर चालक अशोका आएपछि मधुराइतिर रमाना भयौँ ( करिब ८:३० बजे । केही पर पुगेर झोलाहरू बाँधी बाटोमा गीता पाठ गर्नेदेखि मूर्खको परिभाषा गर्नेसम्मका व्यहोराहरू ड्राइफ्रुट्स लगायत मकै, तिलका कुकीज, सातुका लड्डुको नास्ता गर्दै चर्चा गरियो । रामराजापुरममा चिया, जुस, बाराको नास्ता गरी १२:३० (१:३० बजे थिरुप्पुभानमस्थित टेम्पल सिटीमा दक्षिण भारतीय विशेष थाली ९२२००।– प्रति थाली) को भोजन गर्यौँ – स्वादिष्टै लाग्यो ।
खानापछि यात्राकै क्रममा गुगलका सहयोगमा बस्ने होटेलको खोजी गरियो । अन्ततस् २:१५ बजे सुवरासी रेसिडेन्सीको नाममा (एसी सुविधा भएको डबल बेडवाला कोठाको २१,५००।-) श्री मथुरा रेसिडेन्सी चेकइन गरियो । केही समय फ्रेस भई पशुपति र म भोलि रात्रिबसको टिकटको खोजीमा बजार निस्क्यौँ । एउटा कन्भर्टर खरिदी साहुजीलाई नेपाली ५।- रुपैयाँ सोभेनियरका रूपमा दिई वहाँबाटै बसको टिकट रेलवे स्टेशनतिर पाइने जानकारी लिई त्यतैतिर लाग्यौँ ।
सेडम ट्राभल्समा सम्पर्क गरी सुत्ने सीट भएको बसको टिकट २१२००।– लियौँ । संयोग तिनीहरूसँग सिटी टुरको पनि व्यवस्था रहेछ र २३५०।– का टिकट पनि लिएर होटेल फर्क्यौँ । म आराम र मोबाइल चार्ज गर्न होटेलमा बसेँ । अरू सहयात्री चिया पिउन बाहिरिनु भयो । टिका भाउजू पनि होटेलमै भएकाले संक्षिप्त हिसाब किताबको चर्चा गर्दै थियौँ: उतैबाट मन्दिरको अवलोकनमा जाने खबर गर्न निर्मला आएपनि वहाँहरू मन्दिरतिर गई फर्कनु भयो । सबै मिलेर निस्केर मीनाक्षी भोजनालयमा डोसा, इड्लीको खाना खायौँ । मेडमहरूलाई होटेल जान लगाई हामी दुईले एसबिआई बैङ्कको एटिएमबाट रकम निकाली चिया पिई पानी लिएर होटेलमा फर्क्यौँ । बाटोमा कार्य सम्पादन मूल्याङ्कनमा प्राय: सबैले १००% अङ्क पाउने बारेमा आ-आफ्ना अनुभव शेयर गरियो । होटेल आई भोलि बिहान ६:०० बजे लबीमा भेट हुने रायसाथ आराम गरियो ।
माघ ४ गते शुक्रवार उठी स्नान गरी ६:४५ बजे मीनाक्षी मन्दिरमा लाइन लागि ८:४५ बजे दर्शन सकी नैवेद्य र अम्बा, चिया खाई होटेलमा आएर झोला मिलाई खाना खान मन्दिर नजिकको होटेलमा गयौँ । खानापछि एउटा टेम्पोमा ठूला सामान र पशुपति जोडी लाई पठाई अरू पैदल सेडम ट्राभल्समा गयौँ । सहरावलोकन गराउने बसमा सामान लोडगर्न आ-आफ्ना लगेज करिब १०० मीटर गुड़ाई सामानहरू बसमै राखेर सहर घुमियो । २:०५ बजे यात्रा आरम्भ गरी थिरुमालाई दरबार, मारियामा तलाउ, गान्धी सङ्ग्रहालय, अलगर विष्णु मन्दिर, बालाजी मन्दिर, हिलस्टेशनको कार्थिक मन्दिर अवलोकन गरी ७:३२ मा बसपार्कमा ओर्लियौँ । हाम्रो गाडी पसल नं. ६० अगाडिबाट लाग्ने भएकाले सोही पसलको खोजी गरी सामान बिसाई पशुपति र हाम्रो जोडी सडकको पारीपट्टिको साराभाना बेकरीको एसी रेष्टुरेन्टमा खाना खायौँ । अरू मेडमहरूको व्रतादिका कारण स्वनिर्मित नास्ता गर्नुभयो । छोराछोरीसँग संक्षिप्त कुराकानी गरी ९:५० मा बस चढी जीवनमा पहिलो चोटि सुत्नमिल्ने सिट भएको बसमा हामी त्यही माथि दुर्गा, टीका र पशुपति जोडी सुत्यौँ र तिरुपति तर्फको रात्रि यात्रारम्भ गर्यौँ ।
क्रमश:…
…सके सपारौँ, नसके नबिगारौँ…
#हामीसबैकोकल्याणहवोस्#
