काठमाडौं । प्रधानमन्त्री केपी शर्मा ओलीले प्रतिनिधिसभामा दुई तिहाइ सांसदको समर्थन पाएका छन् ।
प्रतिनिधिसभामा आइतबार ओलीले राखेको विश्वासको मतसम्बन्धी प्रस्तावको २७५ सदस्यमध्ये पक्षमा १८८ सांसदले मतदान गरे भने विपक्षमा ७४ मत पर्यो ।
१ मत तटस्थ रह्यो । नेपाल मजदुर किसान पार्टीका सांसद प्रेम सुवाल तटस्थ रहेका थिए ।
प्रधानमन्त्री ओलीलाई नेपाली कांग्रेस, नेकपा एमाले, जनता समाजवादी पार्टी, जनमत पार्टी, लोकतान्त्रिक समाजवादी पार्टी, नागरिक उन्मुक्ति पार्टी र केही स्वतन्त्र सांसदले मत दिएका छन् ।
नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी र एकीकृत समाजवादीले भने विपक्षमा मत दिएका छन् ।
संसदमा आइतबार २६३ जना उपस्थित थिए ।
