गोरखा । ५ बर्षिया बालिकालाई बलात्कार गरेको आरोप लागेका १ जना भारतीय नागरिकलाई पुर्पक्षका लागि कारागार चलान गरिएको छ । कारागार चलान भएका ब्यक्ति भारत मोतिहारी जिल्ला बिहार गोविनगंज घर भई जिल्ला चितवन खैरहनी नगरपालिका–६ पर्सा पुलटोल डेरा गरी बस्ने बर्ष ३२ को करणसाह तेली भएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले जानकारी दिए ।
उनका अनुसार आरोपित ब्यक्तिले बैशाख १ गते साँझ ६ बजेको समयमा डिउ र फ्रुटी खानदिने बहानामा जबरजस्ती करणी गरेको आरोप लागेको हो । पिडित बालिकाका आफन्तले तेली बिरुद्व किटानी जाहेरी दिए लगत्तै गोरखा प्रहरीले बैशाख २ गते पक्राउ गरी ३ गते वरजस्ती करणी कसूर शीर्षकमा मुद्दा दर्ता गराएको थियो ।
अनुसन्धान पश्चात सरकारी वकिलको कार्यालयबाट राय सहित बिहीबार गोरखा जिल्ला अदालत पेश भएका तेलीलाई अदालतको आदेशले पुर्पक्षका लागि कारागार चलान गरिएको सूचना अधिकारी श्रेष्ठले जानकारी दिए ।