गोरखा । बलात्कार आरोपमा पक्राउ परेका १ जना युवकलाई पुर्पक्षका लागि कारागार चलान गरिएको छ । कारागार चलान हुनेमा पालुङटार नगरपालिका–९ बिर्दीस्थित बुढुवाका ३२ बर्षको शेरबहादुर गुरुङ भएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले जानकारी दिए ।
आरोपित गुरुङले १४ बर्षकी नाबालिकालाई गएको चैत २६ गते करिब ५ बजेको समयमा बाटोमा एक्लै हिडिरहेको अवस्थामा पछाडीबाट जवरजस्ती समातेर आफ्नो घर भित्र लगि बलात्कार गरेको आरोप लागेको सूचना अधिकारी श्रेष्ठले जानकारी दिए ।
नाबालिकाको आफ्न्तले प्रहरीमा जोहरी दिए लगत्तै गुरुङलाई प्रहरीले चैत २६ गते पक्राउ गरि जवरजस्ती करणी कसूर शीर्षकमा मुद्दा दर्ता गरी अनुसन्धान अघि बढाइएको थियो ।
अनुसन्धानपछि आवश्यक सरकारी वकिलको कार्यालय मार्फत बैशाख २३ गते आइतबार गोरखा जिल्ला अदालत पेश गर्दा गुरुङलाई अदालतको आदेशले पुर्पक्षको लागि कारागार चलान गरेको हो ।