गोरखा । मकाउ पठाईदिन्छु भनी रकम ठगी गर्ने गोरखाका एक व्यक्तिलाई प्रहरीले पक्राउ गरेको छ ।
पक्राउ पर्नेमा गण्डकी गाउँपालिका–८ ध्याल्चोक घर भएका ५१ बर्षका दुर्गाबहादुर रेग्मी भएको प्रहरीले पुष्टी गरेको हो ।
रेग्मीले बैदेशिक रोजगारीमा मकाउ पठाइदिने भन्दै ठगी गरेको आरोपमा प्रहरीले लगाएको छ ।
ललितपुरको गोदावरी नगरपालिका–१४ ठैब बस्दै आएका जितबहादुर थापा मगरलाई वैदेशिक रोजगारीको लागि मकाउ पठाईदिन्छ भन्दै रेग्मीबाट पटक पटक गरेर ६ लाख ६० हजार रुपैया लिएको प्रारम्भिक अनुसन्धानमा देखिएको प्रहरीले जनाएको छ ।
मकाउको प्रतिष्ठित होटलमा क्लिनरको काम लगाइदिने र मासिक १ लाख २० हजार तलव हुने प्रलोभनमा पारेका रेग्मीले उनीबाट रकम असुल गरेका थिए ।
रकम लिएपछि रेग्मी सम्पर्क बिहिन भएको भन्दै वैदेशिक रोजगार विभागबाट पक्राउ गर्न पत्राचार भएपछि प्रहरीले उनलाई नियन्त्रणमा लिएको हो ।
रेग्मीलाई थप अनुसन्धानका लागि वैदेशिक रोजगार विभाग ताहाचल काठमाडौं पठाईएको प्रहरीले जनाएको छ ।
